Balasore Case । ओडिशाच्या बालासोर जिल्ह्यातील फकीर मोहन ऑटोनॉमस कॉलेजमधील एका विद्यार्थिनीने लैंगिक छळाला कंटाळून आत्मदहन करत आयुष्य  संपवल्याची धक्कादायक घटना समोर आली आहे. २० वर्षीय बी.एड.च्या विद्यार्थिनीला उपचारासाठी एम्स भुवनेश्वरमध्ये दाखल करण्यात आले होते, परंतु ९० टक्के भाजल्यामुळे तिची मृत्यूशी झुंज अखेर संपली. ओडिशाचे मुख्यमंत्री मोहन चरण माझी यांनी विद्यार्थिनीच्या मृत्यूवर दुःख व्यक्त केले तसेच दोषींवर कठोर कारवाई करण्याची मागणी केली.

ओडिशाचे मुख्यमंत्री माझी यांनी ट्विटरवर एक पोस्ट करत,”फकीर मोहन ऑटोनॉमस कॉलेजच्या विद्यार्थिनीच्या मृत्यूच्या बातमीने खूप दुःख झाले आहे. सरकारच्या सर्व प्रयत्नांना आणि वैद्यकीय तज्ज्ञांच्या पथकाच्या प्रयत्नांना न जुमानता, विद्यार्थिनीचे प्राण वाचवता आले नाहीत. मी भगवान जगन्नाथाला तिच्या कुटुंबाला हे दुःख सहन करण्याची शक्ती देण्याची प्रार्थना करतो.”असे म्हटले आहे.

ओडिशाचे मुख्यमंत्री काय म्हणाले ?Balasore Case । 

मुख्यमंत्री माझी कारवाईबद्दल म्हणाले, “मी जखमी विद्यार्थ्याच्या कुटुंबाला खात्री देऊ इच्छितो की या प्रकरणातील सर्व दोषींना कायद्यानुसार कठोर शिक्षा दिली जाईल. मी या संदर्भात अधिकाऱ्यांना कडक सूचना दिल्या आहेत. सरकार कुटुंबासोबत पूर्णपणे उभे आहे.”

संपूर्ण प्रकरण काय आहे

विद्यार्थिनीने कॉलेजच्या गेटसमोर स्वतःवर पेट्रोल ओतून आत्महत्या केली होती, ज्यामुळे ती गंभीरपणे भाजली गेली. ती इंटिग्रेटेड बी.एड.ची द्वितीय वर्षाची विद्यार्थिनी होती. आत्मदहनाचा प्रयत्न करण्यापूर्वी, विद्यार्थिनीने बी.एड.चे प्राध्यापक समीर कुमार साहू यांच्यावर लैंगिक छळाचा आरोप करत कारवाईची मागणी करत कॉलेज कॅम्पसजवळ धरणे आंदोलन केले होते.

न्यायालयाने प्राचार्यांची न्यायालयीन कोठडीत रवानगी केली Balasore Case । 

घटनेनंतर लगेचच ओडिशाच्या उच्च शिक्षण विभागाने महाविद्यालयाचे प्राचार्य दिलीप कुमार घोष आणि सहाय्यक प्राध्यापक समीर साहू यांना तात्काळ प्रभावाने निलंबित केले. त्याच वेळी, पोलिसांनी प्रथम समीर साहू आणि आता दिलीप कुमार घोष यांना अटक केली. आता निलंबित प्राचार्य दिलीप घोष यांना न्यायालयीन कोठडीत घेण्यात आले आहे. एसडीजेएम न्यायालयात हजर केल्यानंतर.