Baba Ramdev । पतंजली या आयुर्वेदिक कंपनीच्या दिशाभूल करणाऱ्या जाहिरात प्रकरणी सर्वोच्च न्यायालयाने आज रामदेव यांना नोटीस बजावली आहे.  रामदेव बाबांना न्यायालयात हजर राहण्याचे आदेश आज देण्यात आले आहेत.  येवढचे नाही तर रामदेव यांच्यावर न्यायालयाच्या अवमान प्रकरणी  कारवाई का सुरू करू नये? अशी विचारणा देखील  न्यायालयाने केलीय.

रामदेव, आचार्य बाळकृष्ण न्यायालयात हजर रहा Baba Ramdev ।
आजच्या सुनावणीदरम्यान न्यायालयाने रामदेव यांचे वकील मुकुल रोहतगी यांना, ‘तुम्ही अद्याप उत्तर का दाखल केले नाही? आता आम्ही तुमच्या क्लायंटला कोर्टात हजर राहण्यास सांगू. रामदेव यांनाही पक्ष बनवू. ”  न्यायालयाने म्हटले आहे. दरम्यान, न्यायालयाच्या या आदेशानंतर आता रामदेव आणि आचार्य बाळकृष्ण या दोघांनाही न्यायालयात हजर राहावे लागणार आहे.

आम्ही या प्रकरणाची सुनावणी पुढे ढकलणार नसल्याचे न्यायालयाने म्हटले आहे. ही गोष्ट अगदी स्पष्ट आहे. यासोबतच न्यायालयाने केंद्रीय आयुष मंत्रालयाला फटकारले आणि एक दिवस आधी उत्तर का दाखल केले? त्यावर केंद्राने न्यायालयाला सांगितले की, त्यांना योग्य उत्तर देण्यासाठी आणखी वेळ हवा आहे.

पतंजलीच्या व्यवस्थापकीय संचालकांना पुढील सुनावणीला न्यायालयात हजर राहावे लागेल, असे सर्वोच्च न्यायालयाने म्हटले आहे. यासोबतच न्यायालयाने स्वामी रामदेव यांच्यावर न्यायालयाच्या अवमानाचा खटला का चालवू नये, अशी नोटीसही बजावली आहे.

याआधी सुप्रीम कोर्टाने दिशाभूल करणाऱ्या जाहिरातीप्रकरणी पतंजली आयुर्वेदला न्यायालयाच्या अवमानाची नोटीस बजावली होती. पतंजली आयुर्वेद व्यतिरिक्त आचार्य बाळकृष्ण यांनाही नोटीस देण्यात आली होती, ज्यामध्ये त्यांना तीन आठवड्यांत उत्तर दाखल करण्यास सांगण्यात आले होते. मात्र याचे उत्तर मिळाले नाही.

न्यायालयाने पतंजलीच्या उत्पादनांनाही फटकारले  Baba Ramdev ।

यापूर्वी सर्वोच्च न्यायालयाने पतंजलीच्या उत्पादनांना फटकारले होते. न्यायमूर्ती हिमा कोहली आणि न्यायमूर्ती ए अमानुल्ला यांच्या खंडपीठानेही आधीच्या आदेशांचे पालन न केल्याबद्दल त्यांच्यावर टीका केली होती. गेल्या वर्षी न्यायालयाने कंपनीला जाहिरातींवर बंदी घालण्याचे आदेश दिले होते. नोव्हेंबर महिन्यातच न्यायालयाने पतंजलीला सांगितले होते की जर आदेशाचे पालन केले नाही तर चौकशीनंतर कंपनीच्या सर्व उत्पादनांवर प्रत्येकी एक कोटी रुपयांचा दंड ठोठावला जाईल. खरे तर इंडियन मेडिकल असोसिएशनने (IMA) पतंजली आयुर्वेदाच्या जाहिरातींना दिशाभूल करणारी म्हणत सर्वोच्च न्यायालयात याचिका दाखल केली होती.