तेहरान (इराण) : सीरियामध्ये सुरू असलेल्या परिस्थितीच्या मुद्यावरून इराणचे सर्वोच्च नेते आयोतोल्लाह अली खामेनी यांनी अमेरिका आणि इस्रायलला लक्ष्य केले आहे. या दोन्ही देशांनी सीरियाला अस्थिर बनवण्यासाठी एक संयुक्त कारस्थान केल्याचा आरोप त्यांनी केला आहे. अशांतता निर्माण करण्यासाठी शेजारच्या देश महत्वाची भूमिका बजावत आहे. या संदर्भातील प्राथमिक कारस्थान अमेरिका आणि झिओनिस्ट शासनाकडून केले गेले आहे. सीरियामध्ये जे काही घडते आहे, तो अमेरिका आणि इस्रायलच्या संयुक्त कारस्थानाचा परिणाम आहे. याबद्दल कोणाच्याही मनात शंका असता कामा नये, असे खामेनी यांनी एक्सवर केलेल्या पोस्टमध्ये म्हटले आहे. सीरियाच्या शेजारच्या देशाने या कारस्थानात महत्वाची भूमिका बजावली आणि अजूनही तसेच केले जात आहे. आमच्याकडे त्या संदर्भातील पुरावे आहेत. याबद्दल कोणाच्याही मनात शंका नाही. ताबा मिळवलेल्या सीरियाच्या भूमीला देशातल्या युवकांद्वारे स्वतंत्र केले जाईल, असा विश्वास देखील त्यांनी व्यक्त केला. सीरियातल्या प्रत्येक हल्लेखोराचे प्रत्येकाचे स्वतंत्र उद्दिष्ट आहे. काहींना जमीन मिळवायची आहे. तर अमेरिकेला या प्रदेशात आपले पाय रोवायचे आहेत. यापैकी कोणालाही आपले उद्दिष्ट साध्य करता येणार नाही, हे काळच दाखवून देईल. अमेरिकेला रेसिस्टन्स फोर्सकरवी सीरियातून हाकलून दिले जाईल, असेही ते म्हणाले.
