Mitchell Starc Play 300 International Matches : इंग्लंडविरुद्धच्या पाचव्या ॲशेस कसोटीत मैदानात उतरताच ऑस्ट्रेलियाच्या मिचेल स्टार्क एक मोठा पराक्रम केला आहे. मिचेल स्टार्क सिडनी क्रिकेट ग्राउंडवर पाय ठेवताच आपल्या कारकिर्दीतील ३०० वा आंतरराष्ट्रीय सामना खेळणारा तो ऑस्ट्रेलियाचा तिसरा वेगवान गोलंदाज ठरला आहे. याआधी केवळ ग्लेन मॅकग्रा आणि ब्रेट ली या दिग्गज वेगवान गोलंदाजांनाच हा टप्पा गाठता आला होता. स्टार्कने मॅकग्रा आणि ब्रेट लीच्या यादीत सामील – मिचेल स्टार्कने आता ऑस्ट्रेलियाच्या महान गोलंदाजांच्या पंगतीत मानाचे स्थान मिळवले आहे. ग्लेन मॅकग्रा: ३७६ सामने (१२४ कसोटी, २५० वनडे, २ टी-२० ब्रेट ली: ३२२ सामने (७६ कसोटी, २२१ वनडे, २५ टी-२०) मिचेल स्टार्क: ३०० सामने (१०५ कसोटी, १३० वनडे, ६५ टी-२०) एकूण ऑस्ट्रेलियन खेळाडूंचा विचार केल्यास, ३०० आंतरराष्ट्रीय सामने खेळणारा स्टार्क हा १४ वा खेळाडू ठरला आहे. या यादीत रिकी पॉन्टिंग (५५९ सामने) अव्वल स्थानी आहे. हेही वाचा – Joe Root Record : जो रूटचा ऐतिहासिक पराक्रम! महेला जयवर्धनेला मागे टाकत कसोटीत केला खास विक्रम कसोटी क्रिकेटमध्ये ‘हा’ मोठा विक्रम मोडण्याची संधी – मिचेल स्टार्कच्या नावावर सध्या ४२९ कसोटी विकेट्स आहेत. जर त्याने सिडनी कसोटीत आणखी ५ विकेट्स घेतल्या, तर तो कसोटी इतिहासातील सर्वात यशस्वी डावखुरा गोलंदाज बनेल. सध्या हा विक्रम श्रीलंकेचा माजी फिरकीपटू रंगना हेराथ (४३३ विकेट्स) याच्या नावावर आहे. जागतिक स्तरावर वेगवान गोलंदाजांचे वर्चस्व – विशेषत: ‘स्पेशालिस्ट’ वेगवान गोलंदाज म्हणून सर्वाधिक आंतरराष्ट्रीय सामने खेळण्याचा विक्रम पाकिस्तानच्या वसीम अक्रम (४६० सामने) यांच्या नावावर आहे. स्टार्क आता जगातील अशा निवडक गोलंदाजांच्या यादीत सामील झाला आहे, ज्यांनी दीर्घकाळ आपली छाप सोडली आहे. हेही वाचा – Shashi Tharoor : मुस्तफिजुरच्या हकालपट्टीवरून शशी थरूर संतापले! “जर तो दुसऱ्या धर्माचा असता तर…”; BCCI ला विचारला थेट सवाल सर्वाधिक आंतरराष्ट्रीय सामने खेळणारे ऑस्ट्रेलियन खेळाडू (टॉप ५): खेळाडू भूमिका एकूण सामने रिकी पॉन्टिंग फलंदाज ५५९ स्टीव्ह वॉ फलंदाज ४९३ ॲलन बॉर्डर फलंदाज ४२९ ॲडम गिलख्रिस्ट यष्टीरक्षक ३९५ मायकेल क्लार्क फलंदाज ३९४ मिचेल स्टार्क वेगवान गोलंदाज ३००*
