नवी दिल्ली – शुक्रवारी (१३ जून) सकाळी इस्रायलने इराणवर हल्ला केला. या हल्ल्यात इराणमधील ७८ जणांचा मृत्यू झाला आहे. दरम्यान, शुक्रवारी संध्याकाळी उशिरा इस्रायलचे पंतप्रधान बेंजामिन नेतान्याहू यांनी पंतप्रधान नरेंद्र मोदींना फोन केला. दोन्ही नेत्यांनी इस्रायल आणि इराणमधील अलिकडच्या संघर्षावर चर्चा केली. पंतप्रधान नरेंद्र मोदी यांनी स्वतः त्यांच्या सोशल मीडिया हँडल X द्वारे ही माहिती दिली.

मोदी आणि नेतन्याहू यांच्यात चर्चा –
पंतप्रधान मोदींनी लिहिले की, “इस्रायली पंतप्रधान नेतन्याहू यांचा फोन आला. त्यांनी मला सध्याच्या परिस्थितीची माहिती दिली. मी चिंता व्यक्त केली आणि या प्रदेशात शांतता आणि स्थैर्य लवकरात लवकर प्रस्थापित करण्याच्या गरजेवर भर दिला.”

इस्रायलने इराणच्या बॅलिस्टिक क्षेपणास्त्र कार्यक्रमावर हल्ला केल्याचा दावा पंतप्रधान बेंजामिन नेतान्याहू यांनी केला. यानंतर इराणमधील हवाई क्षेत्र बंद करण्यात आले. इराण सरकारने देशभरात आणीबाणी लागू केली आहे. इस्रायलच्या हल्ल्यात इराणचे मोठे नुकसान झाल्याचे मानले जाते. दरम्यान, इराण आणि इस्रायलमधील भारतीय दूतावासांनी देशातील नागरिकांसाठी सूचना जारी केल्या आहेत. यामध्ये त्यांना अनावश्यक प्रवास टाळण्यास सांगण्यात आले आहे.

इस्रायलला अमेरिकेचा पाठिंबा –
इस्रायलने या कारवाईचे वर्णन इराणच्या अण्वस्त्रे बनवण्याच्या प्रयत्नांना हाणून पाडण्यासाठी केले आहे. या हल्ल्याला इस्रायलला अमेरिकेचाही पाठिंबा आहे. अमेरिका आणि इराणमध्येही अणु करार सुरू आहे. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी इराणला इशारा दिला आहे आणि त्यांना ‘शेवटची संधी’ देखील दिली आहे.

अमेरिकेचे अध्यक्ष डोनाल्ड ट्रम्प म्हणाले की त्यांनी इराणला अणु करार करण्यासाठी दोन महिन्यांपूर्वी 60 दिवसांचा अल्टिमेटम दिला होता, परंतु त्यांनी त्याचे पालन केले नाही. “आज ६१ वा दिवस आहे. मी त्यांना काय करायचे ते सांगितले, पण ते तिथे पोहोचले नाहीत. आता कदाचित त्यांना दुसरी संधी मिळेल,” ट्रम्प यांनी त्यांच्या ट्रुथ सोशल मीडिया प्लॅटफॉर्मवर म्हटले. ट्रम्प यांनी इराणसोबत पुन्हा वाटाघाटीच्या टेबलावर येण्याची इच्छा व्यक्त केली आहे.

इस्त्रायल आणि इराण यांच्यातील वाद –