अभिनेत्री ममता कुलकुर्णीचे नाव तिने संन्यास घेतल्यापासून चर्चेत आहे. मात्र, ९० च्या दशकात ममताने बॅालीवूडमध्ये अनेक चित्रपटांमध्ये काम केले आहे. त्यावेळी शाहरूख खान, अक्षय कुमार, सैफ अली खान या अभिनेत्यांबरोबर ममताने अनेक हिट चित्रपट दिले. तिचा १९९५ साली आलेला करण अर्जुन हा चित्रपट प्रचंड गाजला. या चित्रपटाच्या आठवणी ममताने शेअर केल्या आहेत. करण-अर्जुन चित्रपटाच्या शूटिंगवेळी सलमान-शाहरुख खानने हसून तिच्या तोंडावर दरवाजा बंद केला होता, अशी आठवण ममताने नुकतीच एका वाहिनीला दिलेल्या मुलाखतीमध्ये सांगितली आहे.

करण अर्जुन चित्रपटाच्या गाण्यातील सीनमधील शूटिंगबद्दल ममता बोलली आहे. चिन्नी प्रकाश करण अर्जुन चित्रपटाचे दिग्दर्शक होते. गाण्याचे शूटिंग सूरू असताना मी एकटी बसली होती. जवळपास दीड तासानंतर चिन्नी प्रकाश यांच्या मॅनेजरने दरवाजा ठोठावला आणि मास्टरजीने बोलावलं आहे असे सांगतिले. त्यानंतर मास्टरजींनी बोलावल्यामुळे मी तिकडे गेले. मास्टरजी म्हणाले, ही खास स्टेप उद्या तू एकटी करणार आहेस. मला वाटलं की ते असं का बोलत आहे? मग दुसऱ्या दिवशी माझा पहिला शॉट होता. त्यावेळी शाहरूख आणि सलमान दोघेही माझ्याकडे बघून हसत होते, असे ममताने सांगितले.

त्यानंतर ५०० लोकांसोबत पुढच्या शॅाटमध्ये स्टेप करायची होती. त्यांनी बरेच रिटेक घेतले. त्यानंतर आम्ही सर्व खोलीच्या दिशेने पळत गेलो. संध्याकाळी त्याने माझी टिंगल केली आणि कोरिग्राफिरच्या माध्यमातून सर्व स्टेप्स करायला सांगेल असे वाटले नव्हते, तो पळून गेल्यावर मीही त्याच्या मागे धावले. मात्र, नंतर सलमानने मला थांबवलं आणि माझ्या तोंडावर दरवाजा बंद केला असल्याची खंत ममता कुलकर्णीने व्यक्त केली.