Assam Beef Ban: बुधवारी मोठा निर्णय घेत आसाम सरकारने राज्यात गोमांसावर बंदी घालण्याची घोषणा केली आहे. आसामचे मुख्यमंत्री हिमंता बिस्वा सरमा यांनी पत्रकार परिषदेत या निर्णयाची घोषणा केली. ते म्हणाले, आसाममध्ये, आम्ही निर्णय घेतला आहे की कोणत्याही रेस्टॉरंट किंवा हॉटेलमध्ये बीफ दिले जाणार नाही आणि ते कोणत्याही सार्वजनिक कार्यक्रमात किंवा सार्वजनिक ठिकाणीही दिले जाणार नाही, म्हणून आम्ही आजपासून सर्व हॉटेल्समध्ये पूर्णपणे बीफ बंदीचा निर्णय घेतला आहे. रेस्टॉरंट आणि सार्वजनिक ठिकाणी गोमांसवर बंदी घातली आहे.

#WATCH | Delhi: Assam CM Himanta Biswa Sarma says, “…In Assam, we have decided that beef will not be served in any restaurant or hotel and also it will not be served in any public function or public place, so from today we have completely decided to stop the consumption of beef… pic.twitter.com/B4URmVRBTW

— ANI (@ANI) December 4, 2024

ते पुढे म्हणाले की, पूर्वी मंदिरांजवळ गोमांस खाणे बंद करण्याचा आमचा निर्णय होता, परंतु आता आम्ही ते संपूर्ण राज्यात विस्तारित केले आहे. तुम्ही कोणत्याही सामुदायिक ठिकाणी, सार्वजनिक ठिकाणी, हॉटेल किंवा रेस्टॉरंटमध्ये ते खाऊ शकणार नाही.

आसाम सरकारच्या गोमांस बंदीच्या निर्णयावर सध्या कोणत्याही विरोधी पक्षाकडून किंवा नेत्याकडून कोणतीही प्रतिक्रिया आलेली नाही, मात्र हिमंता सरकारच्या मंत्र्यांनी काँग्रेसला या निर्णयाला विरोध करण्याचे खुले आव्हान दिले आहे.

आसामचे मंत्री पीयूष हजारिका यांनी सरमा यांचा व्हिडिओ X वर शेअर केला आणि लिहिले, “मी आसाम काँग्रेसला आव्हान देतो की, एकतर गोमांस बंदीचे स्वागत करावे किंवा पाकिस्तानात जाऊन स्थायिक व्हावे.”