Ashok Kharat case : नाशिकमधील भोंदू बाबा अशोक खरात (Ashok Kharat) प्रकरण राज्यात गाजत आहे. एसआयटीकडून या प्रकरणाचा सखोल तपास सुरू आहे. आता एसआयटीने अशोक खरातच्या नाशिकमधील ओकस कार्यालयात जात मोठी कारवाई केली आहे. एसआयटीच्या पथकाने कार्यालयातील प्रिंटर आणि महत्वाची कागदपत्र ताब्यात घेतली आहेत. त्यामुळे या प्रकरणाच्या तपासाला वेग प्राप्त झाला आहे. आता या प्रकरणात आणखी एक महत्वाची माहिती समोर आली आहे. मिळालेल्या माहितीनुसार, त्याच्याकडे येणाऱ्या ग्राहकाची माहिती गोळा करण्यासाठी अशोक खरात स्वतंत्र यंत्रणा राबवत होता. त्याच्याकडे येणाऱ्या भोळ्या भाबड्या ग्राहकांची आधीच माहिती मिळवत होता, यासाठी तो कोल्ड रिडिंग व हॉट रिडिंग या तंत्राचा वापर करत असायचा. भेटीच्या पहिल्या 5 मिनिटांत ग्राहकांना अचूक माहिती सांगायचा आणि त्यांचा विश्वास संपादन करायचा. ग्राहकाचे नातेवाईक कोण, जवळचे मित्र कोण? शत्रू कोण? जीवनातील काही चढ-उतार याबाबतीत माहिती जाणून घेण्याचा अशोक खरात प्रयत्न करत असल्याचा पोलिसांचा अंदाज आहे. कोल्ड रिडिंग व हॉट रिडिंग म्हणजे काय? Ashok Kharat case हॉट रिडिंगमध्ये आधीच माहिती गोळा करून ठेवली जाते. तर कोल्ड रिडिंगमध्ये पाहिले काही प्रश्न विचारून त्यावरून अंदाज लावत समोरच्याला भ्रमित केले जाते. या तंत्राचा वापर करुन ग्राहकाचा विश्वास संपादन केला जातो. मानसशास्त्र आणि फेस रीडिंगचा प्रभावी उपयोग करत होता. अशोक खरातचा मोबाईल जप्त करण्यात आला असून डेटा रिकव्हर करण्याचे काम सुरू आहे. त्याच्यावर महिलांचे शोषण आणि आर्थिक फसवणुकीचे गंभीर आरोप आहेत. लोकांच्या श्रद्धेचा गैरफायदा घेत त्याने अनेकांना जाळ्यात ओढल्याचे समोर आले आहे. Ashok Kharat case : अशोक खरात वापरायचा ‘कोल्ड रिडिंग’ आणि ‘हॉट रिडिंग तंत्र’; प्रकरणात धक्कादायक माहिती समोर या प्रकरणी नाशिक सत्र न्यायालयाने आरोपी अशोक खरातला 29 मार्चपर्यंत पोलीस कोठडी सुनावली आहे. या प्रकरणाची व्याप्ती बघता काही नेत्यांनी अशोक खरात आणि त्याला भेटलेल्या सर्वांची एचआयव्ही टेस्ट करा, अशी मागणी केली होती. त्यानुसार अशोक खरातची एचआयव्ही टेस्ट करण्यात आली असून, टेस्टचे रिपोर्ट निगेटिव्ह आल्याची माहिती समोर आली आहे. आता या प्रकरणात आणखी कोणती हादरवणारी माहिती समोर येते याकडे लक्ष असणार आहे. Ashok Kharat हेही वाचा : Food Ordering: “आता फक्त बोला आणि जेवण घरपोच; फूड ऑर्डरिंगचा अनुभव होणार स्मार्ट”
