Ashok Kharat Case : नाशिकमधील स्वयंघोषित अंकशास्त्रज्ञ व ‘कॅप्टन’ म्हणून ओळखला जाणारा अशोक खरात (Ashok Kharat Case) याच्या लैंगिक शोषण, बलात्कार आणि फसवणुकीच्या काळ्या कारनाम्यांचे नवे-नवे धागेदोरे दररोज समोर येत आहेत. या प्रकरणाने राज्यभर संतापाची लाट उसळली असून, महिलांच्या सन्मानाशी संबंधित असल्याने हे प्रकरण राजकीय स्तरावरही (Ashok Kharat Case) गाजत आहे. आज विधानसभेतही याचे पडसाद उमटले, तर राज्य सरकारने तपासासाठी नेमलेल्या विशेष तपास पथकाने (SIT) तपासाला वेग दिला आहे. SIT प्रमुख IPS तेजस्विनी सातपुते यांचे आवाहन या प्रकरणाच्या सखोल तपासासाठी राज्य सरकारने नेमलेल्या SIT च्या प्रमुखपदी IPS तेजस्विनी सातपुते यांची नियुक्ती करण्यात आली आहे. आज त्यांनी प्रथमच नागरिकांना आणि संभाव्य पीडित महिलांना थेट आवाहन केले आहे. “जर तुमच्याकडे अशोक खरात याच्या गुन्ह्यांबाबत किंवा अपराधांबाबत उपयुक्त माहिती असेल, तर कृपया SIT ला संपर्क साधा. तसेच, त्याने तुमच्याबाबत किंवा इतर कोणाबाबत अत्याचार किंवा फसवणूक केली असेल, तर न घाबरता आमच्याशी संपर्क करा. तुमची ओळख पूर्णपणे गोपनीय ठेवली जाईल,” असे सातपुते यांनी स्पष्ट केले. Ashok Kharat Case यासाठी त्यांनी तीन अधिकाऱ्यांची नावे आणि दोन मोबाईल क्रमांक जारी केले आहेत: – पोलीस उपअधिक्षक किरणकुमार सूर्यवंशी – पोलीस निरीक्षक तृप्ती सोनवणे – पोलीस निरीक्षक राहुल मोरे संपर्क क्रमांक: ९५०३२७०२२४ आणि ७७७५८१६३८९ पीडित महिलांनी पुढे येऊन तक्रार नोंदवण्यास अजूनही संकोच दाखवत असल्याने हे आवाहन विशेष महत्त्वाचे मानले जात आहे. SIT कडे दररोज नवे पुरावे, व्हिडिओ आणि तक्रारी येत असून, तपास वेगाने सुरू आहे. आतापर्यंत सहा गुन्हे दाखल खरातवर आतापर्यंत सहा गुन्हे दाखल झाले असून, त्यात बलात्कार, फसवणूक, जादूटोणा, ब्लॅकमेलिंग आदी कलमांचा समावेश आहे. SIT ने त्याच्या फार्महाऊस, कार्यालय आणि संबंधित ठिकाणांवर छापे टाकून ५८ हून अधिक आक्षेपार्ह व्हिडिओ, पिस्तूल, काडतुसे, रोख रक्कम आणि इतर पुरावे जप्त केले आहेत. तब्बल १५० पेक्षा जास्त महिलांचे शोषण झाल्याची शक्यता व्यक्त केली जात आहे. खरातला पोलीस कोठडीत ठेवून कसून चौकशी सुरू असून, त्याच्या राजकीय-धार्मिक संबंधांचाही छडा लावला जात आहे.
