Asaduddin Owaisi । देशात नागरिकत्व दुरुस्ती कायदा (CAA) 2019 लागू करण्यात  आला आहे. त्यानंतर देशात कायदयाच्या विरोधात निदर्शने थांबण्याची चिन्हे दिसत नाहीत. ऑल इंडिया मजलिस-ए-इत्तेहादुल मुसलमीन (एआयएमआयएम) प्रमुख असदुद्दीन ओवेसी यांनी  भाजप आणि आसामचे मुख्यमंत्री हिमंता बिस्वा सरमा यांच्यावर पुन्हा एकदा हल्लाबोल केलाय.

याविषयी असदुद्दीन ओवेसी यांनी हिमंत बिस्वा यांच्यावर टीका केली. यावेळी बोलताना, “आसामचे मुख्यमंत्री हिमंता बिस्वा सरमा म्हणाले की, राज्यात घेण्यात आलेल्या एनआरसीमध्ये सूचीबद्ध 12 लाख हिंदूंना सीएए अंतर्गत भारतीय नागरिकत्व दिले जाईल, परंतु 1.5 लाख मुस्लिमांचे काय? लोक म्हणत आहेत की लगेच काही होणार नाही. मी त्यांना सांगू इच्छितो की गोष्टी उलगडायला वेळ लागतो.”

‘धर्माच्या आधारावर नागरिकत्व देऊ नये’ Asaduddin Owaisi ।

असदुद्दीन ओवेसी पुढे म्हणाले की, नुकतेच गृहमंत्री अमित शहा म्हणाले की एनपीआर आणि एनआरसी देखील लागू केले जातील, तेव्हा त्यांनी माझे नाव घेतले. पाकिस्तान, अफगाणिस्तान आणि बांगलादेशातून येणाऱ्या सर्व लोकांकडे सरकारने एकाच दृष्टिकोनातून पाहावे. धर्माच्या आधारे नागरिकत्व देऊ नये.

अमित शहा यांनी ओवेसींवर केला होता हल्लाबोल Asaduddin Owaisi ।

केंद्रीय गृहमंत्री अमित शहा यांनी हैदराबादमध्ये सीएएच्या अंमलबजावणीच्या पार्श्वभूमीवर एआयएमआयएमचे अध्यक्ष असदुद्दीन ओवेसी, काँग्रेस अध्यक्ष मल्लिकार्जुन खरगे आणि पक्षाचे नेते राहुल गांधी यांनी सीएएच्या अंमलबजावणीमुळे देशातील अल्पसंख्याकांचे नुकसान होईल असे खोटे बोलल्याचा आरोप केला. नागरिकत्व काढून घेतले जाईल. विरोधी पक्ष व्होट बँकेचे राजकारण करत असल्याचा आरोप त्यांनी केला होता.

ओवेसीचा सीएएला विरोध 

खासदार असदुद्दीन ओवेसी यांनी मंगळवारी (१२ मार्च) म्हटले होते की, सीएए विभाजनकारी आहे आणि गोडसेच्या विचारांवर आधारित आहे, ज्यांना मुस्लिमांना द्वितीय श्रेणीचे नागरिक बनवायचे आहे. छळ झालेल्या कोणालाही आश्रय द्या, परंतु नागरिकत्व धर्म किंवा राष्ट्रीयत्वावर आधारित नसावे. सरकारने हे नियम पाच वर्षे प्रलंबित का ठेवले आणि आता त्यांची अंमलबजावणी का केली, याचे स्पष्टीकरण द्यावे? ते म्हणाले की एनपीआर आणि एनआरसीसह सीएएचा उद्देश केवळ मुस्लिमांना लक्ष्य करणे आहे, त्याचा दुसरा कोणताही उद्देश नाही.