Supriya Sule | जेजुरीत मतमोजणी पार पडून निकाल जाहीर झाल्यानंतर गडाच्या पहिल्या पायरीजवळ खंडेरायाचरणी भंडारा अर्पण करून आशीर्वाद घेताना फटाके वाजत होते. सोबतच भंडाऱ्याची उधळणही सुरू होती. त्याचदरम्यान, भंडारा उधळल्यानंतर आगीचा भडका उडाला आणि त्यामध्ये 18 जण भाजले गेले. जखमींमध्ये निवडून आलेल्या काही नगरसेवकांचा समावेश आहे. भेसळयुक्त भंडाऱ्यामुळे आगीचा भडका उडाल्याचा प्राथमिक अंदाज व्यक्त केला जात आहे. याप्रकरणी राष्ट्रवादी काँग्रेस शरद पवार गटाच्या खासदार सुप्रिया सुळे यांनी शासनाने या घटनेची तातडीने चौकशी करुन या घटनेसाठी जबाबदार असणाऱ्यांवर कठोरात कठोर कारवाई करावी, अशी मागणी केली आहे. Supriya Sule | सुप्रिया सुळे यांची प्रतिक्रिया ही घटना अतिशय दुःखद आणि दुर्दैवी आहे. या घटनेच्या संदर्भात मी सविस्तर माहिती घेतली असून प्रशासनाच्या सातत्याने संपर्कात आहे. या घटनेत जखमी असणारे सर्वजण लवकरात लवकर बरे होऊन घरी परत यावे, अशी खंडेरायाच्या चरणी प्रार्थना आहे. दरम्यान, जेजुरीत बऱ्याच ठिकाणी भेसळयुक्त भंडारा विकला जात असल्याच्या तक्रारी यापुर्वीच स्थानिकांनी शासनाकडे केल्या होत्या. परंतु त्यांची दखल घेण्यात आली नसल्याने ही दुर्दैवी घटना घडली. शासनाने या घटनेची तातडीने चौकशी करुन या घटनेसाठी जबाबदार असणाऱ्यांवर कठोरात कठोर कारवाई करावी, अशी मागणी सुप्रिया सुळे यांनी केली आहे. Supriya Sule | जेजुरी नगरपरिषदेवर राष्ट्रवादीने मारली बाजी दरम्यान, जेजुरी नगरपरिषदेवर सत्तांतर होऊन अजितदादांच्या राष्ट्रवादीने बाजी मारली. माजी आमदार संजय जगताप यांची जेजुरीमधील सत्तासंपुष्टात आणत अजित पवार यांच्या राष्ट्रवादीचे नगराध्यक्षपदाचे उमेदवार जयदीप बारभाई मोठ्या फराकानं विजयी झाले आहेत. राष्ट्रवादीची 17 नगरसेवक निवडून आले आहेत. त्यानंतर विजयी उमेदवार आणि त्यांच्या कार्यकर्त्यांनी एकच जल्लोष सुरु केला. मात्र अचानक घडलेल्या या घटनेने परिसरामध्ये घबराट निर्माण झाली होती. हेही वाचा: पुणेकरांनी पुन्हा करून दाखवलं! पुस्तक महोत्सवात ‘त्या’ एका शपथेने मोडला जागतिक विक्रम; वाचा सविस्तर
