Arvind Sawant : शिवसेना (उद्धव बाळासाहेब ठाकरे) पक्षाचे आठ खासदार फुटून एकनाथ शिंदे यांच्या शिवसेना पक्षात जाणार असल्याच्या वृत्तावर ठाकरे गटाचे खासदार अरविंद सावंत यांनी तीव्र संताप व्यक्त केला. आज 10 एप्रिल त्यांनी सकाळी वृत्तपत्रात आलेल्या बातम्यांमुळे धक्का बसल्याचे सांगत अशा बातम्यांना पूर्णपणे खोट्या असल्याचे सांगितले. “पत्रकारिता विकली गेली आहे. जबाबदार माध्यमांनी अशा निराधार बातम्या पसरवल्या आहेत. हिंमत असेल तर पुराव्यासह बातम्या छापा,” असे आव्हान देत सावंत यांनी माध्यमांवर जोरदार टीका केली. “मी बाळासाहेब ठाकरे यांचा शिवसैनिक आहे. उभा चिरला तरी मातोश्रीची निष्ठा दिसेल,” असे स्पष्ट करत त्यांनी पक्षाशी असलेली आपली निष्ठा अधोरेखित केली. ‘ऑपरेशन टायगर’अंतर्गत ठाण्यात उपमुख्यमंत्री एकनाथ शिंदे आणि ठाकरे गटाच्या खासदारांची गुप्त बैठक झाल्याची चर्चा रंगली आहे. या कथित बैठकीत आठ खासदारांचा समावेश असून त्यात अरविंद सावंत यांचेही नाव घेतले जात आहे. मात्र, सावंत यांनी पत्रकार परिषद घेऊन हे सर्व दावे फेटाळून लावले आहेत. Arvind Sawant “मोठ्या साहेबांनी मला आमदार केलं आणि उद्धव ठाकरे यांनी खासदार केलं. मी कोणत्याही परिस्थितीत पक्ष सोडणार नाही. स्टॅम्पपेपरवर लिहून देतो, मी कुठेही जाणार नाही,” असे ठामपणे त्यांनी सांगितले. तसेच “भगवा घेऊन आलोय आणि भगवा पांघरूनच जाणार,” असेही ते यावेळी बोलताना म्हणाले. Arvind Sawant : गुप्त बैठकीच्या चर्चांवर अरविंद सावंत भडकले; म्हणाले “मी बाळासाहेब ठाकरे यांचा शिवसैनिक उभा चिरला तरी…” आपल्या मतदारसंघातील कार्यक्रमांमध्ये प्रोटोकॉलनुसार नाव छापले जाते, मात्र उपमुख्यमंत्री एकनाथ शिंदे उपस्थित असलेल्या कार्यक्रमांना आपण जाणे टाळतो, असेही त्यांनी स्पष्ट केले. “आम्ही एकत्र व्यासपीठावर आहोत असा एक तरी फोटो दाखवा,” असे आव्हान त्यांनी दिले. या सर्व घडामोडींमुळे ‘ऑपरेशन टायगर’च्या चर्चांना उधाण आले असले तरी ठाकरे गटातील खासदारांची एकजूट दाखवत सर्व दावे फेटाळून लावले आहेत. अनेक खासदारांच्या प्रतिक्रिया समोर येत आहेत. संजय राऊतांचा टोला Arvind Sawant “ऑपरेशन एकदाच केलं जातं. वारंवार ऑपरेशन केलं जात असेल तर ती डेड बॉडी असते. त्यांच्या पक्षाची डेड बॉडी देवेंद्र फडणवीसांनी केली आहे आणि सध्या फडणवीस शिंदे गटाचंच ऑपरेशन करत आहेत.” असा जोरदार टोला संजय राऊतांनी लगावला. दरम्यान, ठाकरेंच्या खासदारांसोबत बैठक झाल्याच्या वृत्ताला उपमुख्यमंत्री एकनाथ शिंदे आणि खासदार श्रीकांत शिंदे यांनी फेटाळून लावले आहे. हेही वाचा : Gold Silver Price: सलग दुसऱ्या दिवशी सोन्या-चांदीची चमक फिकी ; चांदीच्या दरात ‘एवढ्या’ रुपयांची घसरण, वाचा आजचा भाव काय ?
