नवी दिल्ली – एस.एन.सुब्रह्मण्यन यांची राष्ट्रीय सुरक्षा परिषदेचे अध्यक्ष म्हणून तीन वर्षांच्या कालावधीसाठी नियुक्ती करण्यात आली आहे. त्यांचा अनुभव राष्ट्रीय सुरक्षा परिषदेला मार्गदर्शक ठरणार आहे नवीन व्यावसायिक सुरक्षा, आरोग्य व कार्यकारी अटींच्या संहिता, 2020 (ओएसएच कोड, 2020) अंतर्गत कामाच्या ठिकाणी सुरक्षा पुरवण्यासाठी त्यांची नियुक्‍ती महत्वाची ठरेल.

एल अँड टी लिमिटेडचे मुख्य कार्यकारी अधिकारी आणि व्यवस्थापकीय संचालक सुब्रह्मण्यन हे प्रख्यात अभियंता असून त्यांनी अनेक वर्षांपासून एल अँड टी च्या पायाभूत सुविधांच्या व्यवसायाचे नेतृत्व केले आहे.

तसेच कंपनीला देशातील सर्वात मोठी बांधकाम कंपनी म्हणून तसेच जगातील 14 व्या स्थानावर आणून नावारूपाला आणले आहे. एल अँड टी ही देशातील सर्वात मोठ्या अभियांत्रिकी कंपन्यांपैकी एक आहे. कंपनी अभियांत्रिकी, संरक्षण, जहाज इमारत इत्यादी क्षेत्रांमध्ये कार्यरत आहे.