anupam kher: दिग्गज अभिनेते अनुपम खेर यांनी साऊथ अभिनेत्री साई पल्लवी यांच्यासोबतचा एक सुंदर फोटो सोशल मीडियावर शेअर करत तिच्या आगामी चित्रपटांसाठी शुभेच्छा दिल्या. हा खास क्षण गोव्यात सुरू असलेल्या ५६व्या भारतीय आंतरराष्ट्रीय चित्रपट महोत्सव (IFFI) दरम्यानचा आहे. गोव्यातील विशेष भेट गोव्यात होणाऱ्या ५६व्या भारतीय आंतरराष्ट्रीय चित्रपट महोत्सवामध्ये (IFFI) अनुपम खेर उपस्थित होते. याच ठिकाणी त्यांची भेट प्रतिभावान अभिनेत्री साई पल्लवी यांच्याशी झाली. या भेटीचा एक फोटो अनुपम यांनी आपल्या इंस्टाग्रामवर शेअर केला. अनुपम खेर यांची प्रतिक्रिया फोटोसोबत अनुपम खेर यांनी लिहिले, “सुंदर अभिनेत्री साई पल्लवीसोबतची खास भेट. त्यांच्याशी थोडा वेळ बोलताना त्या अतिशय सच्च्या, मनमिळाऊ आणि सहज वाटल्या. त्या विलक्षण अभिनेत्री आहेत. त्यांच्या सर्व आगामी प्रकल्पांसाठी मनःपूर्वक शुभेच्छा. जय हो.” अनुपम यांना साई पल्लवी अतिशय विनम्र, नैसर्गिक आणि साधेपणाने वावरणारी कलाकार वाटली. गोव्यात साई पल्लवी का? साई पल्लवी तिच्या ‘अमरन’ या चित्रपटामुळे गोव्यात होती. IFFI मध्ये या चित्रपटाला मोठा सन्मान मिळाला असून,‘अमरन’ भारतीय पॅनोरमा विभागातील ओपनिंग फिल्म ठरली आहे. तसेच ती गोल्डन पीकॉक पुरस्कारासाठी आंतरराष्ट्रीय स्पर्धेतही नामांकित झाली आहे. ‘अमरन’ चित्रपटाविषयी ‘अमरन’ हा चित्रपट मेजर मुकुंद वर्मा यांच्या वास्तविक जीवनावर आधारित आहे. शिवकार्तिकेयन यांनी मेजर मुकुंद यांची भूमिका साकारली आहे. तर साई पल्लवी यांनी त्यांच्या पत्नी सिंधुचा रोल साकारला आहे. या धाडसी सैनिकाचे जीवन, संघर्ष आणि त्याग यांची कथा या चित्रपटात प्रभावीपणे मांडली आहे. प्रेक्षकांनी दोन्ही कलाकारांच्या अभिनयाचे कौतुक केले आहे. साई पल्लवीचा वर्कफ्रंट बहुचर्चित ‘रामायण’ मालिकेतील दोन्ही भागांच्या रिलीज तारखा ठरल्या आहेत, ‘रामायण: पार्ट 1’ – दिवाळी २०२६ ‘रामायण: पार्ट 2’ – दिवाळी २०२७ या भव्य प्रकल्पात रणबीर कपूर – भगवान राम साई पल्लवी – माता सीता यश – रावण सनी देओल – हनुमान रवि दुबे – लक्ष्मण अशा दमदार कलाकारांची फौज असणार आहे.
