Annual Toll Pass : राष्ट्रीय महामार्ग प्राधिकरणाने २०२६-२७ या आर्थिक वर्षात फास्टॅगच्या पासची किंमत (Annual Toll Pass) वाढविण्याचा निर्णय घेतला आहे. यामुळे खासगी वाहनचालकांना १ एप्रिल २०२६ पासून पाससाठी आधीपेक्षा जास्त किंमत मोजावी लागणार आहे. भारतीय राष्ट्रीय महामार्ग प्राधिकरणाने वार्षिक टोल पासची किंमत (Annual Toll Pass) वाढविली आहे. त्यामुळे १ एप्रिलपासून वाहनचालकांना या पाससाठी ३ हजार रुपयांऐवजी ३०७५ रुपये द्यावे लागणार आहेत. वार्षिक टोल पाससाठी नवीन दर २०२६-२७ आर्थिक वर्षासाठी लागू असतील. हा पास फक्त खासगी वाहनांसाठी आहे. राष्ट्रीय महामार्गांवर प्रवास करणा-या प्रवाशांचा प्रवास अधिक सोयीस्कर करण्यासाठी १५ ऑगस्ट २०२५ पासून फास्टॅगचा वार्षिक पास घेण्याची सुविधा सुरू केली होती. यामुळे टोल ( Toll) भरण्याच्या वेळेत बचत होऊन प्रवास अधिक जलद झाला. Annual Toll Pass Toll Plaza यापूर्वी या पासची किंमत ३ हजार रुपये होती. आता यामध्ये २.५ टक्क्यांची वाढ झाली असून प्रवाशांना ३,०७५ रुपयांत पास विकत घ्यावा लागणार आहे. हा पास केवळ खासगी (नॉन-कमर्शियल) वाहनांसाठी उपलब्ध असणार आहे. ३,०७५ रुपयांचा वार्षिक पास घेतल्यावर हा पास एका वर्षासाठी किंवा २०० वेळा टोलनाका ओलांडेपर्यंत वैध असेल. या दोन्हीपैकी जे आधी पूर्ण होईल, त्यानुसार पासची वैधता समाप्त होईल. जर प्रवासी एक वर्ष पूर्ण होण्याआधीच २०० वेळा टोल नाका ओलांडतील तर त्या पासची मुदत संपेल. प्रवासी वर्षभर कधीही पासचा रिचार्ज करू शकतात. Annual Toll Pass १ एप्रिलपासून देशभरातील सर्व राष्ट्रीय महामार्गांवरील टोल नाक्यावर (Annual Toll Pass) हे नवीन दर लागू होणार आहेत. टोल दरांचा दरवर्षी आढावा आणि सुधारणा केली जाते. या प्रक्रियेचा एक भाग म्हणून, यावेळी वार्षिक पासच्या किमतीत वाढ करण्यात आली आहे, असे सांगण्यात आले.
