Aneet Padda: ‘सैयारा’ चित्रपटातून प्रसिद्धी मिळवलेली अभिनेत्री अनीत पड्डा सध्या खूप कठीण काळातून जात आहे. तिच्या आजोबांचे नुकतेच निधन झाले असून, ही दुःखद बातमी तिने सोशल मीडियावर एक भावनिक पोस्ट शेअर करत चाहत्यांना दिली. या पोस्टमध्ये तिने आजोबांसोबत घालवलेल्या सुंदर आठवणींना उजाळा दिला आहे.  (Aneet Padda)

अनीतने इंस्टाग्रामवर लिहिलेल्या पोस्टमध्ये ती म्हणते, “तुम्ही माझ्या आयुष्यातील सर्वात खास व्यक्ती होता. ती पुढे लिहिते, “आपण एकत्र घालवलेले सर्व क्षण मी कायम जपून ठेवेन. मी एक चांगली व्यक्ती बनण्याचा प्रयत्न करेन. तुमचे विनोद, तुमची दयाळू वृत्ती आणि तुमच्या गोष्टी मी नेहमी आठवणीत ठेवेन.” अनीतने आजोबांनी दिलेल्या शिकवणीचा आणि प्रेमाचा उल्लेख करत सांगितले की, “तुम्ही मला निस्वार्थ प्रेम कसं करायचं ते शिकवलं.”

 

View this post on Instagram

 

A post shared by Aneet Padda (@aneetpadda_)

पोस्टच्या शेवटी तिने अतिशय भावूक शब्द लिहिले, “आज मी आकाशात सर्वात तेजस्वी तारा पाहिला आणि मला समजलं की तुम्ही तिथे आहात. आजोबा, मी तुम्हाला कायम प्रेम करत राहीन.” या ओळींनी अनेक चाहत्यांना भावूक केले आहे.

अनीतच्या या पोस्टवर अनेकांनी प्रतिक्रिया दिल्या आहेत. प्रसिद्ध दिग्दर्शक करण जोहर यांनीही तिच्या दुःखात सहभागी होत शोक व्यक्त केला आहे. तसेच चाहत्यांनीही तिला धीर देत भावनिक पाठिंबा दिला आहे.

Aneet Padda

करिअरच्या बाबतीत बोलायचे झाले तर, अनीत पड्डा ‘सैयारा’नंतर अनेक मोठ्या प्रोजेक्ट्समध्ये दिसणार आहे. ती दिग्दर्शक मोहित सूरी आणि अभिनेता अहान पांडे यांच्यासोबत एका नव्या चित्रपटात झळकणार आहे. तसेच ‘शक्ती शालिनी’ या चित्रपटातही तिची महत्त्वाची भूमिका असणार आहे.

एकूणच, अनीत पड्डासाठी हा काळ अत्यंत दुःखद असला तरी तिच्या आजोबांच्या आठवणी आणि त्यांनी दिलेले संस्कार तिला पुढे जाण्यासाठी बळ देतील. तिच्या या भावनिक पोस्टमुळे चाहत्यांनीही तिच्या दुःखात सहभागी होत तिला आधार दिला आहे.