‘सेलिब्रिटी मास्टरशेफ’ मध्ये टेलिव्हिजन इंडस्ट्रीतील शेफ आपल्या स्वयंपाकाच्या कौशल्याने शेफ आणि प्रेक्षकांना प्रभावित करत असतात. या शोमध्ये पवित्र रिश्ता फेम जेष्ठ अभिनेत्री उषाताई म्हणजेच उषा नाडकर्णी यांनी हजेरी लावली. त्यांनी आपल्या कुकिंगच्या स्किल सादर केल्या आहेत. सोनी टीव्हीचा कुकिंग रिॲलिटी शो सेलिब्रिटी मास्टरशेफ सध्या प्रेक्षकांमध्ये खूप पसंत केला जात आहे. या शोने तिसऱ्या आठवड्यात प्रवेश केला आहे.
पवित्र रिश्ता’ मधील उषा ताई म्हणजेच उषा नाडकर्णी देखील सेलिब्रिटी मास्टरशेफमध्ये सहभागी झाल्या आहेत. ज्याचा एक नवीन प्रोमो निर्मात्यांनी रिलीज केला आहे. उषा नाडकर्णीचा मास्टरशेफचा प्रोमो व्हिडिओ पाहून अभिनेत्रीचे चाहते तणावात आहेत. उषाताई भावूक झाल्या आणि ढसाढसा रडू लागल्या. शोमध्ये आपल्या जवळच्या व्यक्तीला आठवून अभिनेत्री भावूक झाली आणि रडू लागली आणि हे पाहून शेफ विकास खन्नाही भावूक झाला.
प्रोमोमध्ये एक फेस्टिव्ह स्पेशल सुरू आहे, जिथे प्रत्येकाला आपल्या आवडीच्या सणानुसार डिश तयार करावी लागणार आहे. उषाताई गणपती उत्सवाची निवड करतात आणि त्यानुसार पदार्थांचे नियोजन करतात. विकास खन्ना उषा ताईंना विचारतात- ‘तुम्ही तुमच्या आयुष्यात अनेक सण पाहिले आहेत. पण, तुम्ही नेहमी म्हणता की मी एकटी राहतो, याचा अर्थ काय? शेफचा प्रश्न ऐकून उषा ताई भावूक झाल्या आणि रडू लागल्या.
…भावाने त्याला वाढवलं
यावेळी उषाताई स्वयंपाक करताना थांबत रडत रडत म्हणाल्या – ‘सणाच्या वेळी एकटी असायची म्हणजे माझा मुलगा भावासोबत राहायचा. भाऊही एकटाच राहायचा. एकटी म्हणजे तो आणि त्याची बायको. मी घरी राहिली नाही, ऑफिसला जायची. नंतर नाटक, मालिका, सिनेमा यात इतका वेळ गेला की घरी राहायलाही मिळालं नाही. अशा परिस्थितीत माझ्या भावाने माझ्या मुलाला त्याच्याकडे बोलावलं. प्रथम माझ्या आईने माझ्या मुलाची काळजी घेतली. नंतर माझ्या भावाने त्याला वाढवले. आता ते राहिले नाहीत, ३० जून २०२४ रोजी त्यांचे निधन झाले, असल्याचे आठवण उषा नाडकर्णी यांनी सांगितली.
आपल्या बहिणींच्या मृत्यूनंतर
आपल्या भावाची आठवण करून उषाताई पुढे म्हणाल्या- तो मला खूप सपोर्ट करायचा. माझा लहान भाऊ माझं संपूर्ण आयुष्य होता. मला त्याची खूप आठवण येते. तो नेहमी विचारायचा, उषा, यंदाच्या गणपतीला आपण काय करणार? उषाताईंना खूप भावूक पाहून शेफ विकास खन्ना यांचे डोळे ओलावले आणि कार्यक्रमातील इतर स्पर्धकही भावूक झाले. विकास खन्ना यांनीही आपली व्यथा मांडली आणि आपल्या बहिणीच्या मृत्यूनंतर गेल्या वर्षीची दिवाळी आपल्यासाठी खूप वेदनादायी होती, असे सांगितले.
