Saiyaraa movie : गेल्या काही दिवसांपूर्वी प्रदर्शित झालेल्या सैयारा या चित्रपटाची मोठी क्रेझ आहे. आतापर्यंत या चित्रपटाने या वर्षातील अनेक चित्रपटांचे रिकार्ड ब्रेक करत मोठी कमाई केली आहे. खासकरून हा चित्रपट तरुण वर्गाला आकर्षित करत आहे.

बॅाक्स अॅाफिसवर आतापर्यंत या चित्रपटाने तब्बल 132 कोटींची कमाई केली आहे. ना कोणता स्टार कलाकार तरीही सैयारा बॅाक्स अॅाफिसवर धूमाकूळ घालत आहे. नेमकं हा चित्रपट हिट होण्यामागची काय कारणं आहेत, ती ५ मुद्यांमधून समजून घेऊयात…

अन् फंडा कामी आला.

२०१३ मध्ये श्रद्धा कपूर आणि आदित्य राॅय कपूर यांच्या आशिकी 2 या चित्रपटाने प्रेक्षकांना अक्षरशः वेडं लावलं होतं. तब्बल 12 वर्षांनतर दिग्दर्शक मोहित सूरी याने फ्रेश जोडी घेऊन सियारा हा चित्रपट प्रेक्षकांच्या भेटीला आणला. आशिकी 2 मधील श्रद्धा आणि आदित्य यांची फ्रेश जोडी प्रेक्षकांना खूप आवडली होती. हाच फंडा मोहितने सैयारा चित्रपटासाठी वापरला आणि तो यशस्वी झाला आहे. अहान आणि अनीत यांची फ्रेश जोडी प्रेक्षकांच्या पसंतीची ठरली आहे.

माऊथपब्लिसिटीचा फायदा 

ग्राहकांना एखादी गोष्ट विकायची आहे, तर त्या संबंधित प्रोडक्टच्या जाहिरातीवर मोठा खर्च केला जातो. कधीकधी तर अमाप खर्च करूनही प्रोडक्ट विकलं जाईल याची शक्यता फार कमी असते. पण दुसऱ्या बाजूला माऊथपब्लिसिटीच्या जोरावर मोठा खप होऊन प्रोडक्ट सेल होतं. ही गोष्ट सैयाराच्या बाबतीत पुरेपुर खरी ठरली आहे. चित्रपटाच्या टीमने फार कमी खर्च प्रमोशनवर केला आहे. केवळ माऊथ पब्लिसिटीच्या जोरावर प्रेक्षकांना थिएटर्सकडे आकर्षित करण्यात हा चित्रपट यशस्वी ठरला आहे.

अभिनयाचा फायदा 

सैयारा चित्रपटातील अहान पांडे आणि अनीत पड्डा यांच्या अभियाचं प्रेक्षकांकडून कौतुक केलं जात आहे. गेल्या काही वर्षांत जुनैद खान, खुशी कपूर, इब्राहिम अली खान, शनाया कपूर, सुहाना खान यांसारख्या अनेक कलाकारांचे प्रोजेक्ट्स प्रदर्शित झाले. परंतु, त्यांची प्रतिमा ते उभे करू शकले नाहीत. याउलट अहान आणि अनीत यांच्याबाबतीत त्यांनी आपली प्रतिमा प्रेक्षकांच्या मनात निर्माण केली आहे. साहजिकच याचा फायदा चित्रपटाला मिळताना दिसत आहे.

ट्रेलर अन् गाणी 

या चित्रपटाचा ट्रेलरने अत्यंत महत्वाची भूमिका बजावली आहे. याचं कारण म्हणजे चित्रपटाच्या ट्रेलरने प्रेक्षकांना हा चित्रपट पाहण्यासाठी प्रवृत्त केलं आहे. चित्रपटातील गाण्यांनी अक्षरशाः वेड लावलं आहे.

बॅाक्स अॅाफिसवर कमाई सुरूच 

सैय्यारा चित्रपट रिलीज झाल्यापासून कमाईचे अनेक विक्रम मोडताना दिसत आहे. हा चित्रपट कोणताही अॅक्शन चित्रपट नाही, केवळ लव्हस्टोरी हा फॅार्म असलेला चित्रपट आहे. तरीही प्रेक्षकांचा उत्तम प्रतिसाद चित्रपटाला मिळाला आहे. आतार्यंत १३२ कोटींची कमाई चित्रपटाने केली आहे. २०२५ मध्ये सर्वाधिक कमाई करणारा सैयारा चित्रपट ठरला आहे.