Actress Wamika Gabbi : बॅालीवूडचा किंग खान सध्या त्याच्या आगामी किंग चित्रपटामुळे चर्चेत आहे. या चित्रपटाविषयीच्या अनेक अपडेस प्रेक्षकांना मिळत असतात. या चित्रपटात बॅालीवूड इंटस्ट्रीतील अनेक मोठे कलाकार दिसणार आहेत. यामुळे शाहरुख त्याच्या आगामी किंग चित्रपटाच्या निमित्ताने प्रेक्षकांसाठी काय खास घेऊन येणार? यासाठी चाहते उत्सुक आहेत. खरंतर शाहरुखसोबत अनेक कलाकारांनी काम केलं आहे. अनेकांनी शाहरुखसोबत काम करण्याचा अनुभव देखील शेअर केला आहे. प्रत्येकानेच शाहरुखसोबत काम करण्याच्या प्रश्नावर त्याचं भरभरून कौतुकच केले आहे. अशातच आता अभिनेत्री वामिका गब्बीने शाहरुखविषयीचा पहिल्या भेटीची आठवण सांगितली आहे. यामुळे वामिकाने सांगितलेल्या शाहरुखच्या आठवणीमुळे ती चांगलीच चर्चेत आली आहे. वामिका गब्बीने नुकताच माशाबल इंडियाशी संवाद साधला. त्यावेळी तिने शाहरुख खानबरोबर तिची पहिली भेट कशी होती आणि त्यावेळी काय घडलं होतं, याविवषयी दिलखुलास संवाद साधला. बेबी जॅान चित्रपटाच्या मुहूर्तावेळी शाहरुख १५ मिनिटांसाठी सेटवर आला होता. त्यावेळी माझा भाऊ हार्दिक माझ्याबरोबर सेटवर होता. शाहरुख खान जेव्हा सेटवर आला, तेव्हा सगळे त्याच्याभोवती गोळा झाले. त्याच्याशी बोलत होते. मी माझ्या भावाला विचारले की, जर इथून जाण्यासाठी शाहरुख माझ्याशी बोलण्यासाठी आला, तर मी त्याच्याशी काय बोलायला पाहिजे, असे तुला वाटते. त्यावर हार्दिक मला गंमतीत म्हणाला की, तू तुझ्या हाताची नस काप. हे सगळं बोलताना आम्ही हसत होतो, अशी आठवण वामिकाने सांगितली. त्यानंतर तिने ही गोष्ट शाहरुखला भेटल्यावर सांगितली, असे देखील वामिका म्हणाली.
