जांबूत :  पिंपरखेड (ता.शिरूर) येथील लोकनेते रामदास गणपत ढोमे यांचे शनिवार (दि. १) रोजी आकस्मिक दुःखद निधन झाले होते. पिंपरखेड गावच्या सामाजिक तथा विविध जडणघडणीत असलेले त्यांचे अमुलाग्र योगदान पाहता पिंपरखेड ग्रामस्थांनी त्यांच्या स्मृती चिरंतन राहाव्यात या हेतूने लोकसहभागातून पिंपरखेड (ता.शिरूर) येथील बैलगाडा घाट परिसरात सुमारे ९५ झाडांचे वृक्षारोपण करत पर्यावरण समतोल राखण्याचा आणि संवर्धन करण्याचा संदेश यावेळी दिला. प्रसंगी करण्यात आलेल्या वृक्षारोपणामध्ये ६५ चिंचेची झाडे तर फायकस प्रकारची ३५ झाडे लावण्यात आली असल्याचे माजी उपसरपंच नरेश ढोमे यांनी सांगितले.

दिवसेंदिवस वाढते प्रदूषण , कमी होत असलेले वनाखालील क्षेत्र आणि त्या अनुषंगाने वाढत्या वृक्षारोपणाची गरज पाहता स्वर्गीय रामदास ढोमे यांचे स्मृतीप्रीत्यर्थ हे वृक्षारोपण करण्यात आले असून या माध्यमातून परिसरात एक महत्वपूर्ण संदेश पिंपरखेड ग्रामस्थांनी यावेळी दिला.

प्रसंगी पुणे जिल्हा परिषदेचे सदस्य राजेंद्र गावडे ,निवृत्त पोलीस अधिकारी दयानंद ढोमे, माजी उपसभापती बाळशिराम ढोमे, सरपंच राजेंद्र दाभाडे, उपसरपंच विकास वरे, सोसायटीचे अध्यक्ष किरण ढोमे, माजी उपसरपंच दामोधर दाभाडे, माजी अध्यक्ष निवृत्ती बोंबे, लक्षमण गायकवाड, अरुण ढोमे, तंटामुक्ती अध्यक्ष दिलीप बोंबे, माजी ग्रामविकास अधिकारी बबनराव बोंबे , रामदास बराटे, कैलासराव बोंबे, देवराम ढोमे, माऊली ढोमे, संतोष ढोमे, काळूराम गावशेते , विश्वास वरे, रामदास महाराज गावडे, भाऊसाहेब ढोमे, जयवंत बोंबे, बाबाजी दाभाडे, बन्सी पोखरकर , पोलीस पाटील सर्जेराव बोऱ्हाडे, सुनील ढोमे, अनिल ढोमे तसेच कुटुंबियांसह ग्रामस्थ मोठ्या संख्येने उपस्थित होते.