Amitabh Bachchan: अभिषेक बच्चन आणि ऐश्वर्या राय यांच्या वैवाहिक आयुष्याबाबत अनेक अफवा उठत असल्या तरी दोघेही वेळोवेळी स्पष्ट करतात की त्यांच्या नात्यात सर्व काही सुरळीत आहे. परंतु ऐश्वर्या राय यांच्या प्रसूतीवेळचा एक प्रसंग सध्या पुन्हा चर्चेत आला आहे. आराध्याच्या जन्मावेळी ऐश्वर्या यांनी तीव्र वेदना सहन करत पेनकिलर घेण्यास नकार दिला होता. हा प्रसंग आठवताच सासरे अमिताभ बच्चन भावूक झाले होते. ऐश्वर्या रायचा तो कठीण क्षण अभिषेक आणि ऐश्वर्या यांचे लग्न २००७ साली झाले. तर २०११ मध्ये त्यांनी मुलगी आराध्याचे स्वागत केले. सोशल मीडियावर प्रसिद्ध झालेल्या एका जुन्या व्हिडिओमध्ये अमिताभ बच्चन यांनी सांगितले होते की, ऐश्वर्या यांनी नॉर्मल डिलिव्हरी करण्याचा निर्णय घेतला. लेबर पेनमध्ये त्या सुमारे २ ते ३ तास प्रचंड वेदना सहन करत होत्या. डॉक्टरांनी पेनकिलर आणि एपिड्यूरलचा पर्याय दिला होता. परंतु ऐश्वर्या यांनी स्पष्टपणे पेनकिलरचा पर्याय नाकारला. या विषयी बोलताना बिग बी म्हणाले, “तिला फारच त्रास झाला, पण तिच्या धैर्याचे मला कौतुक वाटते. ती ठाम होती की डिलिव्हरी नॉर्मलच हवी आणि कोणतेही पेनकिलर नको.” कुटुंबाबद्दल नेहमीच संवेदनशील असलेले अमिताभ बच्चन अमिताभ बच्चन आपल्या कुटुंबातील महिलांची नेहमीच जपणूक करतात. २०१० मध्ये एका अहवालात ऐश्वर्याच्या गर्भधारणेत समस्या असल्याचा दावा करण्यात आला होता. तेव्हा बिग बी यांनी संताप व्यक्त करत लिहिले होते, “हा लेख पूर्णपणे चुकीचा आणि बेभरवशाचा आहे. यात अतिशय असंवेदनशीलपणे खोटेपणा पसरवला गेला आहे.” कुटुंबातील नातेसंबंधांविषयी चर्चा अभिषेक-ऐश्वर्या यांच्या नात्याविषयी नेहमीच चर्चा होत असते. कधी त्यांच्यात दुरावा असल्याच्या, तर कधी जया बच्चन आणि ऐश्वर्या यांच्यात वाद असल्याच्या अफवा येत राहतात. मात्र विविध प्रसंगांमध्ये अभिषेक, ऐश्वर्या आणि बच्चन कुटुंब या सर्वांनी एकमेकांबद्दलचा आदर जपलेला दिसतो.
