Amit Shah in Shirdi | केंद्रीय गृह आणि सहकार मंत्री अमित शाह काल शनिवारी शिर्डीत दाखल झाले. शिर्डीतील हॉटेल सन ॲन्ड सँड येथे मुक्कामासाठी पोहोचताच, अमित शाह यांनी मुख्यमंत्री आणि दोन्ही उपमुख्यमंत्र्यांसोबत तातडीने बैठक घेतली. या बैठकीत जवळपास पाऊण तास चर्चा करण्यात झाल्याची माहिती समोर आली आहे. रात्री दहाच्या सुमारास अमित शाह हॉटेलमध्ये दाखल झाले. त्यांच्या स्वागतासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजित पवार हे तिन्ही प्रमुख नेते हजर होते. त्यांच्यासोबत केंद्रीय राज्यमंत्री मुरलीधर मोहोळ, राज्याचे मंत्री राधाकृष्ण विखे पाटील, गिरीश महाजन, चंद्रशेखर बावनकुळे, पंकजा मुंडे, जयकुमार गोरे, बाबासाहेब पाटील आणि प्रदेशाध्यक्ष रवींद्र चव्हाण यांचीही उपस्थिती होती. मात्र अमित शाह यांनी मुख्यमंत्री देवेंद्र फडणवीस आणि दोन्ही उपमुख्यमंत्री एकनाथ शिंदे व अजित पवार यांच्याशी बंद खोलीत सुमारे पाऊण तास चर्चा केली. ज्यानंतर विविध चर्चांना उधाण आले आहे. Amit Shah in Shirdi | अतिवृष्टीमुळे झालेल्या शेतकऱ्यांच्या नुकसानबाबत घेतली माहिती समोर आलेल्या माहितीनुसार, या बैठकीचा मुख्य अजेंडा राज्यातील अतिवृष्टीमुळे झालेले शेतकऱ्यांचे नुकसान आणि त्यासाठी तातडीने द्यायची मदत हा असल्याचे बोललं जात आहे. याव्यतिरिक्त बैठकीत राज्यातील विविध विकासकामांचा आढावा आणि प्रशासकीय बाबींवरही चर्चा झाली. या बैठकीमुळे, शेतकऱ्यांसाठी मोठी आर्थिक मदत लवकरच जाहीर होण्याची शक्यता वर्तवली जात आहे. गेल्या काही दिवसांपासून महाराष्ट्रात अनेक ठिकाणी अतिवृष्टी झाली आहे. या अतिवृष्टीमुळे राज्यातील शेतीचे मोठे नुकसान झाले आहे. त्यामुळे शेतकऱ्यांना तातडीने मदत देण्याची मागणी जोर धरत आहे. त्यातच आता अमित शाह यांनी मुख्यमंत्री आणि दोन्ही उपमुख्यमंत्र्यांसोबतच्या बैठकीत अतिवृष्टीमुळे झालेल्या नुकसानीबद्दल चर्चा केली. त्यामुळे आता नुकसानग्रस्त शेतकऱ्यांसाठी तातडीच्या मदतीची घोषणा करण्यासंदर्भात महत्त्वाचे निर्णय होण्याची शक्यता वर्तवली जात आहे. Amit Shah in Shirdi | शेतकरी मेळाव्याला मार्गदर्शन करणार दरम्यान, अमित शाह आज लोणी आणि कोपरगाव येथील विविध कार्यक्रमांना हजेरी लावणार आहेत. लोणी प्रवरानगर येथे पद्मश्री डॉ. विठ्ठलराव विखे पाटील आणि पद्मभूषण बाळासाहेब विखे पाटील यांच्या पूर्ण उंचीच्या पुतळ्याचे अनावरण शाह यांच्या हस्ते होईल. तसेच कोपरगाव येथे कोल्हे सहकारी साखर कारखान्याच्या CNG प्रकल्पाचे उद्घाटन शाह यांच्या हस्ते होणार आहे. त्यानंतर ते शेतकरी मेळाव्याला मार्गदर्शन करणार आहेत. Amit Shah in Shirdi | हेही वाचा: अभिनेत्री रिधिमा पंडितचे मराठीत चित्रपटात पदार्पण; ललितसोबत साकारणार भूमिका
