Amit Satam । मुंबईच्या उत्तर पश्चिम (वायव्य) लोकसभा मतदारसंघातून मविआतील ठाकरे गटाने अमोल किर्तीकर यांना उमेदवारी दिल्यानंतर त्यांच्यावर ईडीकडून चौकशी सुरू झाली आहे. तर दुसऱ्या बाजूला अमोल किर्तीकर यांचे वडील आणि विद्यमान खासदार गजानन किर्तीकर हे शिंदे गटात आहेत. शिंदे गटाने अद्याप नाव जाहीर केलं नसलं तरी वायव्य मुंबईतून गजानन कीर्तिकरांना लोकसभेची उमेदवारी दिली जाणार असल्याचं बोललं जात आहे. दरम्यान, गजानन कीर्तिकर यांनी अमोल किर्तीकर यांच्यावर झालेल्या ईडीच्या कारवाईचा निषेध केला. तसेच पंतप्रधान मोदींवर निशाणा साधला होता. “४०० जागांऐवजी संपूर्ण संसदच ताब्यात घ्यावी” Amit Satam । गजानन किर्तीकर म्हणाले, भाजपाने यंदा ‘४०० पार’चा असा नारा दिला आहे. त्यामुळे त्यांनी ४०० जागांऐवजी संपूर्ण संसदच ताब्यात घ्यावी, मात्र दुसऱ्या बाजूला विरोधकांचाही सन्मान ठेवावा. विरोधकांच्या मागे केंद्रीय यंत्रणांचा ससेमिरा लावणे, ही भाजपाने आणलेली नवी संस्कृती आहे.असे म्हणत पंतप्रधानांवर निशाणा साधला. त्यांच्या या टीकेला आता भाजपकडून उत्तर देण्यात आले आहे. “भ्रष्टाचाऱ्यांना आता सुट्टी नाही” Amit Satam । गजानन कीर्तिकरांनी भाजपावर टीका केल्यानंतर भाजपाचे आमदार अमित साटम यांनी याबाबत एक पोस्ट केली आहे. या पोस्टमध्ये त्यांनी,”सध्या असं वाटतंय की, गजानन कीर्तिकरांचे केवळ शरीर मुख्यमंत्री एकनाथ शिंदे यांच्याबरोबर आहे. मात्र त्यांचा आत्मा माजी मुख्यमंत्री उद्धव ठाकरे यांच्याबरोबर आहे. कीर्तिकरांनी एकदा ठरवावं की ते कोणाबरोबर आहेत. मोदींचा चेहरा वापरून भाजपा कार्यकर्त्यांच्या जीवावर ते दोनदा खासदार झाले. भ्रष्टाचाऱ्यांनी ईडीला घाबरण्याची आवश्यकता आहे. जर कर नाही तर डर कशाला? अमोल कीर्तिकर यांच्या बँक खात्यात खिचडीच्या कंत्राटदाराकडून ९५ लाख रुपये आलेच का? याचं उत्तर द्यावं. भ्रष्टाचाऱ्यांना आता सुट्टी (मोकळीक) नाही, कारवाई तर होणारच!” असे म्हटले आहे. दरम्यन, गजानन कीर्तिकर यांनी,“मी शिवसेनेत गेली ५७ वर्षे काम करत आहे. पण मी कधी लबाडी किंवा कपट-करस्थान केलं नाही. अमोल किर्तीकरांविरोधात मी प्रचार करणार आहे हे मी जाहीर केलं होतं, त्याप्रमाणे मी त्यांच्याविरोधात प्रचार करणार आहेच. पण अमोल किर्तीकर यांच्याविरोधात चालू असलेल्या ईडी चौकशीतून काहीही निष्पन्न होणार नाही. खिचडी घोटाळ्यातून काहीही हाती लागणार नाही, हे ईडीचे अधिकारीही खासगीत मान्य करतात,” असे त्यांनी म्हटले होते.
