Shweta Tiwari: टीव्ही अभिनेत्री श्वेता तिवारी  (Shweta Tiwari ) तिच्या फिटनेससाठी आणि तितक्याच सुंदर, निरोगी त्वचेसाठीही ओळखली जाते. अनेकांना तिच्या फिटनेससोबतच ती त्वचेची काळजी कशी घेते, जिमला जाताना तिच्या बॅगमध्ये काय असते, हे जाणून घेण्याची उत्सुकता असते. नुकत्याच तिच्या यूट्यूब व्ह्लॉगमध्ये तिने स्वतःचा जिम रूटीन, स्किनकेअर आणि जिम बॅगमधील आवश्यक वस्तूंबद्दल माहिती दिली.

श्वेता सांगते की, जिमला जाण्यापूर्वी ती कोणताही मोठा किंवा वेळखाऊ स्किनकेअर रूटीन करत नाही. उलट, काही मूलभूत गोष्टींची काळजी घेतली तरी त्वचा निरोगी राहू शकते. त्वचारोग तज्ज्ञही याच मताचे आहेत. त्यांच्या मते, वर्कआउटपूर्वी त्वचेवर जास्त प्रमाणात क्रीम, सीरम किंवा मेकअपचा थर लावण्याची गरज नसते.

जिमला जाण्यापूर्वी श्वेता काय करते?  (Shweta Tiwari)

• श्वेता जिमला जाण्यापूर्वी फक्त तीन गोष्टींची काळजी घेते.
• त्वचा कोरडी पडू नये म्हणून हलका मॉइश्चरायझर लावते.
• उन्हात बाहेर पडायचे असल्यास सनस्क्रीनचा वापर करते.
• ओठ कोरडे पडू नयेत म्हणून लिप बाम लावते.

याशिवाय ती कोणताही हेवी मेकअप किंवा अनेक स्किनकेअर प्रॉडक्ट्सचा वापर करत नाही. त्यामुळे त्वचेला श्वास घेण्यासाठी जागा मिळते आणि घामामुळे छिद्रे बंद होण्याचा धोका कमी होतो.

तज्ज्ञ काय सांगतात?   (Shweta Tiwari)

• त्वचारोग तज्ज्ञांच्या मते, वर्कआउटपूर्वी कोणते स्किनकेअर प्रॉडक्ट वापरायचे हे प्रत्येकाच्या त्वचेच्या प्रकारावर अवलंबून असते.
• त्वचा कोरडी असेल तर हलका जेल-बेस्ड किंवा ऑइल-फ्री मॉइश्चरायझर वापरावा.
• बाहेर व्यायाम करत असाल तर सनस्क्रीन लावणे आवश्यक आहे.
• जड क्रीम, फाउंडेशन किंवा मेकअप टाळावा. कारण घामासोबत मिसळल्याने त्वचेची छिद्रे बंद होऊ शकतात आणि मुरुम किंवा त्वचेची जळजळ होऊ शकते.
• ज्यांची त्वचा तेलकट आहे किंवा ज्यांना वारंवार मुरुम येतात, त्यांनी शक्यतो मेकअप न करता व्यायाम करावा.

वर्कआउटनंतर त्वचेची काळजी का महत्त्वाची?   (Shweta Tiwari)

व्यायाम करताना भरपूर घाम येतो. घाम पुसताना किंवा चेहऱ्याला वारंवार हात लावल्याने त्वचेवर जंतू जमा होऊ शकतात. त्यामुळे वर्कआउटनंतर त्वचा स्वच्छ करणे तितकेच गरजेचे आहे.

यासाठी पुढील गोष्टी करा –   (Shweta Tiwari)

• सर्वप्रथम चेहरा सौम्य क्लेंझरने स्वच्छ धुवा.
• त्यानंतर हलका मॉइश्चरायझर लावा.
• हायलुरोनिक अॅसिड किंवा सेरामाइड्स असलेली उत्पादने वापरल्यास त्वचेतील ओलावा टिकून राहण्यास मदत होते.
• शरीरावर घाम साचू नये आणि बॉडी अॅक्ने टाळण्यासाठी हवेशीर व घाम शोषून घेणारे कपडे वापरा.

श्वेता तिवारीच्या जिम बॅगमध्ये काय असते?    

श्वेता तिच्या जिम बॅगमध्ये व्यायामासाठी आणि स्वच्छतेसाठी आवश्यक अशा अनेक गोष्टी ठेवते. त्यामध्ये –

• वर्कआउट शूज
• मोज्यांची एक जोडी
• डिस्पोजेबल टॉवेल
• अतिरिक्त टी-शर्ट
• रेझिस्टन्स बँड
• लूप बँड
• हायजीन पाऊच
• टॉयलेट्री पाऊच
• आंघोळीनंतर वापरण्यासाठी वेगळे पाऊच
• सॅनिटरी पॅड
• पँटी लाइनर
• श्वेता सांगते की, ती घरातील जाड टॉवेलऐवजी डिस्पोजेबल टॉवेल वापरणे पसंत करते. कारण ओला टॉवेल जिम बॅगमध्ये ठेवणे अवजड आणि गैरसोयीचे ठरते. डिस्पोजेबल टॉवेल वापरल्यामुळे स्वच्छताही राखली जाते आणि बॅग हलकी राहते.

फिटनेससोबतच त्वचेची योग्य काळजी घेणेही तितकेच महत्त्वाचे आहे. जिमला जाण्यापूर्वी साधा स्किनकेअर रूटीन, वर्कआउटनंतर त्वचेची स्वच्छता आणि आवश्यक वस्तूंनी सज्ज जिम बॅग या सवयी अंगीकारल्यास त्वचा अधिक निरोगी, तजेलदार आणि सुरक्षित राहू शकते.