Manoj Jarange: मनोज जरांगे यांचा आज बीडच्या नारायण गडावर दसरा मेळावा पार पडला. यंदाचे त्यांच्या मेळाव्याचे तिसरे वर्ष आहे. यावेळी भाषणादरम्यान मनोज जरांगे यांनी उपमुख्यमंत्री एकनाथ शिंदे यांच्यावर निशाणा साधला. शिंदे यांनी दिल्ली आणि राज्यातील भाजप नेत्यांना आपण जरांगेंना ५०० कोटी रुपये दिल्याचे सांगितले, असा दावा जरांगे यांनी केला. मात्र जरांगे पाटील यांनी हे आरोप पूर्णपणे फेटाळून लावले आहेत.

“मनोज जरांगे पाटलांना श्रीकांत शिंदे यांच्या माध्यमातून 500 कोटी पोहचले आहेत असं तुम्ही भाजपच्या नेत्यांना बोलले का?, याचं उत्तर मला एकनाथ शिंदेंनी द्यावं,” जरांगे यांनी म्हंटले आहे.

‘…याचा छडा मी लावल्याशिवाय राहणार नाही’

“एकनाथ शिंदेसाहेब तुम्ही माझ्याबद्दल दिल्लीत भाजपच्या लोकांना खोटं सांगितलं. मनोज जरांगे पाटलांना श्रीकांत शिंदे यांच्या माध्यमातून 500 कोटी पोहचले आहेत असं तुम्ही भाजपच्या नेत्यांना बोलले का? याचं उत्तर मला एकनाथ शिंदेंनी द्यावं. याबाबत दिल्लीत भाजपचे नेते कुजबूज करत आहेत. तुम्ही मला 500 कोटी दिले का, तुम्ही जर मला दिले नसतील तर मग भाजप मला संपवते का? भाजप तुम्हाला संपवतंय? एकनाथ शिंदेसाहेब मला याबाबत उत्तर हवं आहे. पण आता मी याचा छडा लावल्याशिवाय राहणार नाही,” असं मनोज जरांगे म्हणाले. Manoj Jarange

“मी टीका किंवा बदनामी करत नाही. मी फक्त एकनाथ शिंदे यांना उत्तर मागत असून ते शिंदेंनी आजच्या दसऱ्या मेळाव्यात द्या. हवं तर तुम्ही उद्या संध्याकाळपर्यंत उत्तर द्या. मी जर बोललो ना मराठ्यांनी 100 रुपये टाका. तर उद्या माझ्याकडे 2500 कोटी जमा होतील.” तुमचा माझा सामना 3 महिन्यानंतर होईल असा इशाराही यावेळी मनोज जरांगेंनी शिंदेंना दिला. Manoj Jarange

हेही वाचा: 

Sanjay Raut : “गोकुळ निवडणुकीत सतेज पाटलांनी मिळवलेला विजय ही रेजीम चेंजची सुरुवात”; संजय राऊतांची प्रतिक्रिया