Uddhav Thackeray : आज पुण्यामध्ये उद्धव ठाकरे यांच्या उपस्थितीत शिवसेनेच्या पुण्यातील पदाधिकाऱ्यांचा मेळावा संपन्न झाला. यावेळी त्यांनी भाजपावर पुन्हा एकदा टीकास्र सोडले. त्यानंतर, पुण्यातील पूरस्थिती आणि खड्ड्यांवरूनही सत्ताधाऱ्यांवर निशाणा साधला. उद्धव ठाकरे म्हणाले की, ‘पुणेकरांचा प्रश्न सुटला पाहिजे पोलीस आणि महापालिकेचे मनुष्यबळ कमी असेल तर, आम्हाला सांगा व सगळ्या प्रकारच्या मदतीने पुणेकरांची चिंता मिटवा. आठ दिवसांनी खड्ड्याचा आणखी आढावा घेणार ज्या ठेकेदार आणि अधिकाऱ्यांना पाठीशी घातलं त्यांच्यावर कारवाई होणार. अतिरिक्त होमगार्ड मागून पुण्यातील वाहतूक सोडवावी अशी सूचना केली. अनेक मोठे नेते आहेत कित्येक वर्ष मुंबईत काय झालं ते आपण सगळेजण पाहतोय. खड्ड्यांचं पुणं झालंय, पण सगळीकडेच खड्डे झाले आहेत, मुंबईतही खड्डेच खड्डे झाले आहेत. आमचे नितीन गडकरी छातीठोकपणे सांगत होते की, मी असे रस्ते बनवेण की 200 वर्षे खड्डेच पडणार नाहीत. पण, अजूनही रस्ते होत नाहीत, कोकणातील मुंबई-गोवा महामार्ग अजूनही होत नाही. गणपती बाप्पा व चाकरमान्यांसाठी दरवर्षी रस्त्यावर खड्डे बघायला जाण्याची नाटकं होतात. असं देखील उद्धव ठाकरे यावेळी म्हणाले. ‘अमित शाह म्हणजे अहमद शाह अब्दालीचा राजकीय वंशज’ – उद्धव ठाकरे यावेळी इतिहासाचा संदर्भ देत उद्धव ठाकरे यांनी अमित शाह यांच्यावर सडकून टीका केली. ‘शाहिस्तेखान हुशार होता. त्याचं बोटावर निभावले. पुन्हा महाराष्ट्रात आला नाही. हे परत आले. त्यांनी शहाणपण घेतल नाही. महाराष्ट्राने जे फटके दिले त्याचे वळ कुठे कुठे उठले ते पाहण्यासाठी आले होते. त्यांचे मोहरके आले. अहमद शहा अब्दालीचा राजकीय वंशज अमित शाह आला होता. तोही शाहच होता. तो अहमद शाह होता हा अमित शाह आहे. तो वळवळायला आला होता. आम्हाला हिंदुत्व शिकवता. तुम्ही नवाज शरीफची केक खाणारी औलाद तुमच्याकडून आम्ही हिंदुत्व शिकायचं’ असा घणाघाती ठाकरे यांनी केला.
