अभिनेत्री आलिया भट्ट ही बॉलीवूडमधील सर्वात स्टायलिश अभिनेत्री मानली जाते. ती चित्रपटांबरोबरच तिच्या स्टाईल आणि वेगवेगळ्या अंदासाठी ओळखली जाते. यासह फिटनेसच्या बाबतीतही आलिया आघाडीवर असते. लॉकडाऊनमध्ये ती आपला वेळ घरीच घालवत आहे. परंतु तिचे जुने व्हिडिओ नेहमीच व्हायरल होत असतात. आलिया भट्टचा असाच आणखी एक व्हिडिओ सोशल मीडियावर सर्वांचे लक्ष वेधून घेत आहे. ज्यामध्ये ती जबरदस्त स्टाईलमध्ये वर्कआउट करताना दिसत आहे.
या व्हिडिओमध्ये आलिया भट्ट प्रशिक्षकाबरोबर फ्लिप करताना दिसत आहे. यातील आलिया भट्टची स्टाईल आणि ऊर्जा पाहण्यासारखी आहे. यात अभिनेत्रीची बॅक फ्लिप देखील पाहण्यासारखी आहे. हा व्हिडिओ आतापर्यंत 32 हजारांहून अधिक वेळा पाहिला गेला आहे. अभिनेत्रीच्या या स्टाईलबद्दल चाहतेही अनेक कॉमेंट करत आहेत.
दरम्यान, आलिया भट्ट सोशल मीडियावर खूप सक्रिय असते. अखेरच्यावेळी तिने इन्स्टाग्रामवर एक स्टोरी पोस्ट केली होती, ज्यात तिचा गिटार दिसला होता. याशिवाय तिने काही दिवसांपूर्वी एक फोटोही शेअर केला होता, ज्याद्वारे तिने स्वतःचे केस कापल्याचे सांगितले होते. वर्क फ्रंटबद्दल सांगायचे झाल्यास आलिया भट्ट लवकरच “ब्रह्मास्त्र’मध्ये झळकणार आहे. यात आलियासह रणबीर कपूर आणि अमिताभ बच्चन मुख्य भूमिकेत आहेत.