Alia Bhatt: बॉलीवूडमधील आघाडीची अभिनेत्री आलिया भट्ट आज अभिनयाच्या जोरावर इंडस्ट्रीतील सर्वात यशस्वी अभिनेत्रींमध्ये गणली जाते. वैयक्तिक आयुष्यात ती अभिनेता रणबीर कपूरची पत्नी आणि लाडकी मुलगी राहाची आई आहे. नुकत्याच दिलेल्या एका मुलाखतीत आलियाने मातृत्वानंतर आयुष्यात झालेल्या बदलांबद्दल आणि सोशल मीडियाविषयीच्या दबावाबद्दल मोकळेपणाने भाष्य केलं आहे. मातृत्वानंतर आयुष्य पूर्ण बदलतं मुलाखतीदरम्यान “आई झाल्यानंतर काय बदल जाणवला?” या प्रश्नावर आलियाने सांगितलं की, गर्भधारणेच्या नऊ महिन्यांत शरीर आणि विचारसरणी बदलते, पण खरा बदल बाळ जन्माला आल्यानंतर जाणवतो. तिच्या मते, “एकदा बाळ आयुष्यात आलं की माणूस आधीसारखा राहूच शकत नाही.” हा बदल फक्त शारीरिक नसून भावनिक आणि मानसिक पातळीवरही खूप खोलवर परिणाम करणारा असतो, असं तिने स्पष्ट केलं. Alia Bhatt सोशल मीडियाचा दबावही जाणवतो आलियाने सोशल मीडियाबद्दलही प्रामाणिकपणे आपलं मत मांडलं. ती म्हणाली की, कधी कधी सकाळी उठल्यावर तिला वाटतं की, सगळे सोशल मीडिया अकाउंट्स डिलीट करून फक्त आपल्या कामावर लक्ष केंद्रित करावं. मात्र असं करणं सोपं नाही, हेही तिने मान्य केलं. कारण सोशल मीडियामुळेच ती चाहत्यांशी जोडलेली आहे. सुरुवातीपासून प्रेम देणाऱ्या फॅन्सपासून दूर जाणं तिला योग्य वाटत नाही. खाजगी आयुष्याबाबत आलिया स्पष्ट आलिया स्वभावाने खूप प्रायव्हेट असल्याचं तिने सांगितलं. आपलं वैयक्तिक आयुष्य सतत लोकांसमोर मांडणं तिला सहज जमत नाही. तिच्या मोबाईलमधली फोटो गॅलरी आता पूर्णपणे राहाच्या फोटोने भरलेली आहे. स्वतःचे फोटो काढण्यासाठी तिला वेगळी मेहनत घ्यावी लागते, असंही ती हसत सांगते. यावरूनच मातृत्वानंतर तिच्या प्राथमिकता पूर्णपणे बदलल्या असल्याचं दिसून येतं. वर्क फ्रंट कामाच्या बाबतीत आलिया सध्या एका रोमँटिक कॉमेडी चित्रपटाची निर्मिती करत आहे. अभिनेत्री म्हणून ती लवकरच संजय लीला भन्साळी यांच्या ‘लव्ह अँड वॉर’ या चित्रपटात रणबीर कपूर आणि विक्की कौशलसोबत झळकणार आहे. याशिवाय यशराज फिल्म्सचा ‘अल्फा’ हा तिचा आणखी एक मोठा प्रोजेक्ट आहे.
