Welcome to the jungle : लोकप्रिय वेलकम चित्रपटाच्या फ्रँचायझीचा तिसरा भाग असलेल्या ‘वेलकम टू द जंगल’ चित्रपटातील काही संकेदचा एक व्हिडीओ अभिनेता अक्षय कुमाराने त्याच्या सोशल मीडिया अकाऊंटवरून शेअर केला आहे. आज ख्रिसमस सणाच्या दिवशी या चित्रपटाचा व्हिडीओ शेअर करत सणाच्या शुभेच्या देण्यात आल्या आहेत. हा चित्रपट २०२६ मध्ये चित्रपटगृहात प्रदर्शित करण्यात येणार आहे. पोस्टमध्ये अक्षयने वेलकम टू द जंगल हा चित्रपट म्हणजे संपूर्ण टीमला मिळालेली भेट असल्याचे म्हटले आहे. या चित्रपटात कलकारांची मोठी फौज असून, इतक्या स्टारकास्टसोबत काम करण्याचा उत्साह वेगळाच असतो. असे म्हणत “मी कधीही इतक्या मोठ्या गोष्टीचा भाग नव्हतो…” “आमच्यापैकी कोणीही नाही,” आणि हा चित्रपट देशभरातील प्रेक्षकांसाठी संपूर्ण टीमकडून मिळालेली भेट आहे, असे अक्षय कुमाराने व्हिडीओच्या खाली पोस्टमध्ये म्हटले आहे. या व्हिडीओचे सर्वात मोठे आकर्षण म्हणजे अक्षय कुमार आणि रवीना टंडन जवळजवळ दोन दशकांनंतर एकत्र मोठ्या पडद्यावर दिसणार आहेत. त्यामुळे चाहत्यांची चित्रपट प्रदर्शनाची उत्सुकता आणखी वाढली आहे. हा चित्रपट फुल अॅान कॅामेडीने भरलेला असणार आहे. View this post on Instagram A post shared by Akshay Kumar (@akshaykumar) अक्षयने इंन्स्टाग्रामवरून शेअर केलेल्या ३६ सेकंदाच्या व्हिडीओत चित्रपटातील संपूर्ण कास्ट दिसत आहे. अहमद खान यांनी वेलकम टू द जंगल चित्रपटाचे दिग्दर्शन केले आहे. या चित्रपटात सुनील शेट्टी, अर्शद वारसी, परेश रावल, दिशा पटानी, तुषार कपूर, जॉनी लिव्हर, पुनीत इस्सर आणि इतर अनेक कलाकार आहेत. चित्रपटाचे चित्रीकरण पूर्ण झाले असून, २०२६ मध्ये हा चित्रपट प्रेक्षकांच्या भेटीला येणार आहे. मात्र, चित्रपटाच्या प्रदर्शनाची तारीख अद्याप अनिश्चित असून लवकरच याबाबत अपडेट समोर येईल, असे सांगितले जात आहे. हेही वाचा : ठाकरे बंधुंच्या युतीनंतर जल्लोष अन् आज थेट भाजपात प्रवेश; पक्षप्रवेशाला देवयानी फरांदेंचा विरोध
