Akhilesh Yadav:  समाजवादी पक्षाचे राष्ट्रीय अध्यक्ष अखिलेश यादव यांनी गुरुवारी (१ ऑक्टोबर) भारतीय जनता पक्षावर (भाजप) हल्ला करण्यासाठी नव्या पिढीचा ट्रेंड स्वीकारला. त्यांनी ‘जनरेशन-झेड’च्या आंदोलनादरम्यान दिलेल्या घोषणांना फिरवून भाजपविरोधात वापरले.

दरम्यान, सपा प्रमुखांनी आपल्या पत्रकार परिषदेत म्हटले, “एक कचोरी, दो समोसा, BJPपर नहीं भरोसा….” हे वक्तव्य चर्चेचा विषय बनले आहे. Gen-Z चा पाठिंबा मागताना अखिलेश यादव यांनी, “येत्या काळात जनरेशन-झेड आणि पीडीए (PDA) मिळून भाजपला संपवून टाकतील. तुम्ही दिल्लीत ऐकलं असेलच, “एक कचोरी, दो समोसा, BJPपर नहीं भरोसा….” असे म्हटले.

पंतप्रधान मोदींच्या जनरेशन-झेड परिषदेवर अखिलेश यादव यांचे मत Akhilesh Yadav: 

इतकेच नाही, तर पंतप्रधान मोदींच्या Gen-Z परिषदेवर अखिलेश यादव म्हणाले, “आम्ही भजन जॅमिंगबद्दल बोललो होतो आणि कोणीतरी ऐकून ते केले. आता, आम्ही लवकरच तरुणांसाठी कार्यक्रम आयोजित करणार आहोत. जाहीरनाम्यात त्यांच्यासाठी बरेच काही असेल.”

दरम्यान, राज्यसभा निवडणुकीच्या संदर्भात, अखिलेश यादव यांनी उत्तर प्रदेशातील आमदारांना त्यांच्या तिसऱ्या उमेदवाराचा विजय निश्चित करण्याचे आवाहन केले आहे. ते म्हणाले की, ज्या कोणाला भाजपला हरवायचे आहे, ते पुढे येऊ शकतात.

समाजवादी पक्ष सर्वांचे स्वागत करतो. अखिलेश यादव यांनी असाही दावा केला की, “काही आमदार आधीच त्यांच्या संपर्कात आहेत आणि समाजवादी पक्षाच्या बाजूने क्रॉस-व्होट करण्यास तयार आहेत.”

ब्रजेश पाठक यांच्या ई-रिक्षा वक्तव्यावर टीका Akhilesh Yadav: 

अलीकडेच, उत्तर प्रदेशचे उपमुख्यमंत्री ब्रजेश पाठक यांनी तरुणांना नोकरी शोधण्याऐवजी स्वतःची ई-रिक्षा चालवून पैसे कमवण्याचा सल्ला दिला होता. यामुळे त्यांना पाहिजे तेव्हा आपल्या कुटुंबासोबत आणि मुलांसोबत वेळ घालवता येईल.

जर ते दुसऱ्यासाठी काम करत राहिले, तर ते आपल्या मुलांसोबत वेळ कसा घालवू शकतील? यावर उत्तर देताना अखिलेश यादव म्हणाले, “आमच्या उपमुख्यमंत्र्यांनी ई-रिक्षा बुक करावी. हे तेच उपमुख्यमंत्री आहेत ज्यांनी रुग्णालयांना आजारी पाडले आहे. रुग्णालयांना उपचारांची गरज आहे. येत्या काही दिवसांत पीडीए आणि जनता भाजपला संपवून टाकेल.”