Ajit Pawar Plane Crash : आज सकाळीच महाराष्ट्राला हादरवणारी बातमी समोर आली. राज्याचे उपमुख्यमंत्री अजित पवार यांच्या निधनाने महाराष्ट्र सुन्न झाला आहे. त्यांच्या जाण्याने पवार कुटुंबावर दुःखाचा डोंगर कोसळला आहे. यातही त्यांच्या पत्नी आणि बारामतीसह राज्याच्या वहिनी सुनेत्रा पवार यांच्यावर आभाळ कोसळलं आहे. कारण अजित पवारांच्या सर्व सुख – दुःखात खंबीरपणे साथ देणाऱ्या वहिनींचा आज कणा मोडलाय. नियतीने त्यांची क्रूर थट्टा केली आहे. राजकारणात ‘दादा’ जितके कठोर वाटायचे, तितकेच ते त्यांच्या कौटुंबिक आयुष्यात सुनेत्रा वहिनींच्या साथीने समृद्ध होते. आज या ३७ वर्षांच्या प्रवासाला नियतीने खो देत त्यांचा डाव अर्ध्यावर मोडला आहे. Ajit Pawar Plane Crash : अजित दादा आणि सुनेत्रा वहिनींची कोणतीही लव्ह स्टोरी नव्हती. पण त्यांच्या प्रेमची चर्चा नेहमीच व्हायची. १९८५ मध्ये अरेंज मॅरेजने या संसाराचीसुरुवात झाली. शरद पवार आणि पद्मसिंह पाटील यांच्या मैत्रीतून हे स्थळ आलं. त्यानंतर प्रतिभा काकींनी पुढाकार घेतला आणि ३० डिसेंबरला अजित पवार आणि सुनेत्रा पवार यांचा विवाहसोहळा पार पडला आणि त्यानंतर सुरू झाला तो प्रेमाचा, विश्वासाचा आणि अढळ साथीचा प्रवास. दादा वहिनींना पाहून आल्यानंतरचा तो काळ सुप्रिया सुळे आजही आवर्जून सांगतात. वहिनींना पाहून आल्यावर पवार कुटुंब काश्मीर ट्रिपला गेलं होतं. तिथे सर्व भावंडांनी दादांना ‘सु-नेत्रा’ या नावाने प्रचंड चिडवलं होतं. तो आनंद, तो उत्साह आज केवळ आठवणींमध्ये राहिला आहे. प्रत्येक संकटात वहिनी बनल्या ‘ढाल’ Ajit Pawar Plane Crash : राजकारणात दादांवर कितीही टीका झाली, कितीही संकटे आली, तरी सुनेत्रा वहिनी त्यांच्या मागे हिमालयासारख्या उभ्या राहिल्या. बारामतीचा विकास असो वा सामाजिक कार्य, वहिनींनी दादांचा भार हलका केला. जेंव्हा जेव्हा दादा कोणत्याही कार्यक्रमात , गाण्याच्या मैफिलीत रमत किंवा मिश्किल टिप्पणी करत, तेव्हा वहिनींच्या डोळ्यांतील कौतुक बरंच काही सांगून जायचं. आता उरल्या फक्त आठवणी… Ajit Pawar Plane Crash : मराठवाड्यातील एका राजकीय घरातून बारामतीच्या पवार कुटुंबात आलेल्या सुनेत्रा वहिनी अवघ्या महाराष्ट्राच्या ‘वहिनी’ झाल्या. पार्थ आणि जय या दोन मुलांच्या रूपाने दादांनी आपला वारसा मागे ठेवला आहे. मात्र, ३७ वर्षांच्या या जोडीवर नियतीने घाला घातला आहे. बारामतीत आता दादांची ती करारी साद ऐकू येणार नाही, पण वहिनींच्या स्मरणात दादांचे ते प्रेम आणि सोबत सदैव जिवंत राहील.