Ajay Chautala Viral Video। हरियाणातील जननायक जनता पक्षाचे (जेजेपी) राष्ट्रीय अध्यक्ष अजय चौटाला यांचे एक वादग्रस्त विधान समोर आले आहे. महेंद्रगड जिल्ह्यात आयोजित युवा योद्धा परिषदेत जनतेला संबोधित करताना त्यांनी, “राज्यकर्त्यांना त्यांच्या सिंहासनावरून खाली खेचले पाहिजे, रस्त्यावरून हाकलून लावले पाहिजे ” असे त्यांनी म्हटले आहे. त्यांनी असेही म्हटले की, “भारताला नेपाळ आणि बांगलादेशमध्ये ज्या चळवळींमध्ये राज्यकर्त्यांना क्रूर वागणूक दिली गेली होती, त्या चळवळीची गरज आहे.” असे म्हणून त्यांनी एका नवीन वादाला तोंड फोडले आहे. “शासकांना देश सोडण्यास भाग पाडले पाहिजे” Ajay Chautala Viral Video। जेजेपी अध्यक्ष अजय चौटाला म्हणाले, “त्यांना (शासकांना) देश सोडण्यास भाग पाडले पाहिजे. बांगलादेश, नेपाळ आणि श्रीलंकेत घडलेल्या घटनांप्रमाणेच येथेही अशीच चळवळ राबवावी लागेल.” अजय चौटाला हे हरियाणाचे माजी उपमुख्यमंत्री दुष्यंत चौटाला यांचे वडील आणि माजी मुख्यमंत्री ओमप्रकाश चौटाला यांचे पुत्र आहेत. अजय चौटाला म्हणाले, “शेजारील देशांतील तरुणांनी निषेधाच्या माध्यमातून सरकार उलथवून टाकले आहे, ज्यामुळे राज्यकर्त्यांना रातोरात देश सोडण्यास भाग पाडले आहे.” नेपाळच्या तरुणांनी संघटित होऊन त्यांना रस्त्यावर मारहाण केलीच नाही तर देशाबाहेर हाकलून लावले. त्याचप्रमाणे, या राज्यकर्त्यांना त्यांच्या सिंहासनावरून खेचले पाहिजे, रस्त्यावरून हाकलून लावले पाहिजे आणि मारहाण केली पाहिजे. त्यांना देश सोडण्यास भाग पाडले पाहिजे. तरच आपण या कुशासनातून मुक्त होऊ. ” असेही त्यांनी म्हटले आहे. Ajay Chautala Viral Video।
