मुंबई – बॉलिवूडमध्ये आजही जेव्हा जेव्हा सलमान खानच्या अफेअर्सचा विषय निघतो तेव्हा तेव्हा अभिनेत्री ऐश्वर्या रॉय बच्चनच्या नावाची जोरदार चर्चा होते. सलमान ऐश्वर्या यांच्याबाबतचे जुने जुने गॉसिप देखील आजही सोशल मीडियामध्ये रंगवून सांगितले जातात. याचाच प्रत्यय सध्या एका व्हिडिओमुळे पाहायला मिळतोय. सध्या सोशल मीडियावर एक व्हिडीओ व्हायरल होतोय. ज्यामध्ये सलमान खान आणि ऐश्वर्या एकमेकांसोबत असल्याचे पाहायला मिळते.
सध्या रिल्स आणि शॉर्ट्सचा ट्रेंड खूपच वाढतोय. या रिल्समुळे कमी कालावधीत अनेकजण व्हायरल होताहेत. अशात एक रिल्स व्हिडीओ सोशल मीडियावर मोठ्या प्रमाणात व्हायरल झाला आहे. ज्यामध्ये सलमान ऐश्वर्या एकत्र असल्याचे दिसून येते. फक्त सोबतच नाही तर एकमेकांशी बोलताना दिसत आहेत. यावेळी ऐश्वर्या सलमानच्या ब्लेझरला देखील हात लावताना पाहायला मिळत आहे.
एका कार्यक्रमादरम्यानचा हा व्हिडीओ असल्याचे समजते. अनेक चाहते हा व्हिडीओ पाहून भलतेच खुश झालेले दिसताहेत. अनेकांनी यावर जोरदार कमेंटबाजी देखील केली आहे. अनेकांनी हा व्हिडीओ खरा आहे का ? असा सवाल देखील उपस्थित केला आहे. तर एका युजरने थेट ‘तुम्ही अभिषेखला डिवोर्स घ्यायला लावणार’ अशी कमेंट देखील केली आहे.
या व्हिडिओमध्ये सलमान ऐश्वर्या सोबत दिसत आहेत. एवढेच काय पण त्यांचे हावभाव देखील मॅच होत आहेत. मात्र हा व्हिडीओ पूर्णतः एडिटेड आहे. बनवणाऱ्याने इतक्या चतुराईने हा व्हिडीओ बनवला आहे की हा रियल नाही यावर फार कमी लोकांचा विश्वास सोशल मीडियावर बस्तान दिसत आहे. अनेकांनी तर एडिटरचे कौतुक देखील करायला सुरुवात केली आहे.
View this post on Instagram
एडिटेड असूनही का वाटतोय रिअल
झालं असं की नीता मुकेश अंबानी कल्चरल सेंटरच्या उद्घाटन प्रसंगी अनेक बॉलिवूड स्टार्सने हजेरी लावली होती. त्यामध्ये सलमान ऐश्वर्या देखील होते. ते दोघेही आपल्या आपल्या वेग वेगळ्या वेळेत कार्यक्रमाला उपस्थित होते. अशात नेटकऱ्यांनी याच कार्यक्रमातील दोघांचे फुटेज घेऊन एडिट केल्याने ते अतिशय तंतोतंत वाटत आहे.