Air Force Chief : एयर मार्शल आशुतोष दीक्षित यांची भारतीय वायुसेनेच्या पुढील प्रमुखपदी नियुक्ती करण्यात आली आहे. ते 31 ऑक्टोबर 2026 रोजी दुपारपासून एयर चीफ मार्शल पदाची जबाबदारी स्वीकारतील. त्यांचा कार्यकाळ 31 डिसेंबर 2028 पर्यंत असेल. राष्ट्रपतींनी त्यांच्या नियुक्तीला मंजुरी दिली आहे.

दीक्षित सध्या वायुसेनेचे उपप्रमुख आहेत. त्यांनी 1 जुलै 2026 रोजी ही जबाबदारी स्वीकारली. ते विद्यमान वायुसेना प्रमुख एयर चीफ मार्शल अमर प्रीत सिंह यांची जागा घेतील. अमर प्रीत सिंह 31 ऑक्टोबरला निवृत्त होणार आहेत.

दीक्षित यांना स्वदेशी हलके लढाऊ विमान ‘तेजस’ तसेच इतर स्वदेशी विमान प्रकल्पांना पुढे नेण्याच्या कामाचा अनुभव आहे. त्यामुळे त्यांच्या कार्यकाळात वायुसेनेतील स्वदेशी तंत्रज्ञान आणि आत्मनिर्भरतेवर अधिक भर राहण्याची शक्यता आहे.

दीक्षित 6 डिसेंबर 1986 रोजी वायुसेनेच्या लढाऊ शाखेत दाखल झाले. त्यांना 3,500 तासांहून अधिक उड्डाणाचा अनुभव आहे. त्यांनी मिराज-2000, मिग, जग्वार, तेजस, हॉक यांसह अनेक विमानांचे उड्डाण केले आहे.