Tewolde Gebremariam :  एअर इंडियाने इथिओपियन एअरलाइन्स ग्रुपचे माजी प्रमुख तेवोल्डे गेब्रेमारियम यांची सीईओ आणि व्यवस्थापकीय संचालक (एमडीआर) म्हणून नियुक्ती केली. चार वर्षांपूर्वी टाटा ग्रुपने अधिग्रहण केल्यानंतर एअरलाइनमध्ये झालेला हा आणखी एक नेतृत्वबदल आहे.

इथिओपियन नागरिक असलेले गेब्रेमारियम, न्यूझीलंडचे कॅम्पबेल विल्सन यांची जागा घेतील. विल्सन यांनी या वर्षी एप्रिलमध्ये तोट्यात चाललेल्या एअरलाइनमधून आपल्या राजीनाम्याची घोषणा केली होती. एअर इंडियाने म्हटले की, गेब्रेमारियम हे विमान वाहतूक क्षेत्रातील यशस्वी मुख्य कार्यकारी अधिकार्‍यांपैकी एक म्हणून ओळखले जातात.

हा कार्यकारी बदल एअरलाइनच्या जागतिक दर्जाची, आघाडीची जागतिक एअरलाइन बनण्याच्या परिवर्तन प्रवासातील एक महत्त्वाचा टप्पा आहे. गेब्रेमारियम म्हणाले की, भारताच्या विलक्षण आर्थिक क्षमतेचे प्रतिबिंब दर्शवणारी एक जागतिक दर्जाची एअरलाइन उभारण्याची संधी रोमांचक आहे.