कोपरगाव  – कोपरगाव मतदारसंघातील दिव्यांग व्यक्तींचे जीवन स्वावलंबी होऊन त्यांना आयुष्यात येणाऱ्या अडचणी दूर करून सर्वसामान्य नागरिकांप्रमाणे आयुष्य जगता यावे, यासाठी प्रयत्न करीत आहे. यापुढील काळातही दिव्यांगांना सन्मानाने जगण्याची समान संधी मिळावी आणि त्यांच्यातील आत्मविश्वास पुन्हा जागा व्हावा, यासाठी दिव्यांगांच्या वेदना दूर करून त्यांच्या अडचणी सोडविण्यासाठी मी सदैव तत्पर आहे, अशी ग्वाही आ.आशुतोष काळे यांनी दिली.

महात्मा गांधी जिल्हा प्रदर्शन चॅरीटेबल ट्रस्ट, कोपरगाव येथे फेलोशिप ऑफ दि फिजिकली हॅन्डीकॅप्ड, मुंबई व आ.आशुतोष काळे यांच्या सहकार्यातून कोपरगाव मतदार संघातील दिव्यांग बांधवांना आ. आशुतोष काळे यांच्या हस्ते कृत्रिम अवयव व आवश्यक साहित्य वाटप करण्यात आले.याप्रसंगी ते बोलत होते.आ. काळे म्हणाले की, दिव्यांग व्यक्तींना आवश्यक असणाऱ्या कृत्रिम अवयवांचे मोजमाप शिबीर आयोजित करून दिव्यांग बांधवांना व्हील चेअर, कुबडी, वॉकर, तीनचाकी सायकल, कमोड चेअर, वॉकींग स्टीक अशा साहित्याचे वाटप केले आहे.

आजपर्यंत मतदार संघातील जवळपास ३५९ दिव्यांग व्यक्तींना या साहित्याचा लाभ होवून ते स्वत:चे आयुष्य स्वावलंबन जगत आहेत.यापुढील काळातही शिबिराच्या माध्यमातून सर्व प्रकारची मदत करणार असल्याचे आ.काळे यांनी सांगितले.