नेवासा  – शेवगाव –भेंडा कारखाना –नेवासा –श्रीरामपूर –बाभळेश्वर – लोणी –संगमनेर – अकोला –शेंडी यांना जोडणारा शहापूर येथे NH-८४८ (जुना NH-३)सह जंक्शनवर समाप्त होणारा गेवराई जवळील NH-52 (जुना NH-२११) वर महामार्गास तातडीने मंजुरी द्यावी, अशी मागणी खासदार भाऊसाहेब वाकचौरे यांनी रस्ते वाहतूक महामार्ग मंत्री नितीन गडकरी यांची समक्ष भेट घेऊन लेखी निवेदनाद्वारे केली.

सदर निवेदनात त्यांनी NH-52 (जुना) च्या जंक्शन पासून सुरु होणारया विद्यमान राज्य महामार्गाला (SH 50 ) राष्ट्रीय महामार्ग म्हणून जोडणे बाबत सदर प्रस्तावाची आवश्यकता निदर्शनास आणून दिली.

सदर महामार्गामुळे बीड ,अहमदनगर जिल्ह्यातील शेवगाव ,नेवासा ,श्रीरामपूर ,संगमनेर ,अकोले या तालुक्यांसह ठाणे जिल्ह्यातील शहापूर जोडले जाणार आहे .

याबाबत मंत्री महोदय श्री गडकरी यांनी सकारात्मकता दाखवून तातडीने कार्यवाही करणेबाबत निर्देश दिलेत. याबद्दल सडक व परिवहन मंत्री श्री नितीन गडकरी यांचे खासदार भाऊसाहेब वाकचौरे यांनी आभार मानले.