<p style="text-align: left;"><strong>Shakib Al Hasan Ruled Out From World Cup 2023 :</strong> बांगलादेशचा कर्णधार शाकिब अल हसन 2023 च्या विश्वचषकातून बाहेर झाला आहे. स्पर्धेतील दुसऱ्या विजयानंतर बांगलादेशसाठी हा मोठा धक्का आहे. शाकिबच्या नेतृत्वाखालील बांगलादेशने सोमवारी (06 नोव्हेंबर) दिल्लीतील अरुण जेटली स्टेडियमवर श्रीलंकेचा 3 गडी राखून पराभव केला. पण याच सामन्यात शाकिबच्या डाव्या हाताच्या तर्जनीला (index finger of left hand) दुखापत झाली, त्यामुळे तो स्पर्धेतून बाहेर पडला आहे.</p> <p style="text-align: left;">बॉल आणि बॅटने अप्रतिम कामगिरी करत शाकिबने श्रीलंकेविरुद्ध सामनावीराचा किताब पटकावला. पहिल्यादा गोलंदाजीत त्याने 2 बळी घेतले. यानंतर फलंदाजीत 280 धावांच्या लक्ष्याचा पाठलाग करताना त्याने 65 चेंडूत 126.15 च्या स्ट्राईक रेटने 82 धावा केल्या, ज्यात 12 चौकार आणि 2 षटकारांचा समावेश होता. मात्र, शाकिबची चमकदार कामगिरी ही फार उशीरा पहायला मिळाली, कारण त्याच्या संघाचे स्पर्धेतून आव्हान याआधीच संपुष्टात आलं आहे.</p> <p style="text-align: left;"><a href="https://www.dainikprabhat.com/wp-content/uploads/2023/11/ss-1.jpg"><img loading="lazy" decoding="async" class="aligncenter size-full wp-image-1469799" src="https://www.dainikprabhat.com/wp-content/uploads/2023/11/ss-1.jpg" alt="" width="700" height="393" srcset="https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2023/11/ss-1.jpg 700w, https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2023/11/ss-1-300x168.jpg 300w, https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2023/11/ss-1-150x84.jpg 150w" sizes="auto, (max-width: 700px) 100vw, 700px" /></a></p> <p style="text-align: left;">त्याच्या बोटाच्या दुखापतीबद्दल सांगायचे झाले तर, रिपोर्ट्सनुसार, श्रीलंकेविरुद्धच्या मॅचनंतर शाकिबचा एक्स-रे करण्यात आला, ज्यामध्ये फ्रॅक्चर आढळले. बांगलादेशचे फिजिओ बायजेदुल इस्लाम म्हणाले की, शाकिबला श्रीलंकेविरुद्धच्या डावाच्या सुरुवातीला दुखापत झाली होती, परंतु त्याने वेदनाशामक आणि सपोर्टिंग टेपच्या मदतीने फलंदाजी सुरू ठेवली.</p> <p style="text-align: left;"><strong>विश्वचषकात शाकिबची कामगिरी…</strong></p> <p style="text-align: left;">विश्वचषकात श्रीलंकेविरुद्धच्या खेळीशिवाय शाकिबकडून कोणतीही विशेष कामगिरी झालेली नाही. बांगलादेशी कर्णधाराने 7 सामन्यात केवळ 26.57 च्या सरासरीने 186 धावा केल्या आहेत. याशिवाय गोलंदाजीत त्याने केवळ 5 विकेट्स घेतल्या आहेत. दरम्यान, बांगलादेश शनिवारी, 11 नोव्हेंबर रोजी पुण्यातील महाराष्ट्र क्रिकेट असोसिएशन स्टेडियमवर ऑस्ट्रेलिया विरुद्ध स्पर्धेतील 9वा आणि शेवटचा साखळी सामना खेळणार आहे. बांगलादेशने आतापर्यंत खेळलेल्या 8 सामन्या पैकी फक्त 2 सामने जिंकले आहेत.</p>