Asim Sarode Sanad Canceled | पुण्यातील सामाजिक कार्यकर्ते व वकील असीम सरोदे यांची सनद रद्द करण्यात आली आहे. एक वादग्रस्त वक्तव्य केल्याप्रकरणी त्यांची ३ महिन्यांसाठी सनद रद्द करण्याचे आदेश देण्यात आहेत. महाराष्ट्र आणि गोवा बार कौन्सिलने सोमवारी हा निर्णय घेतला. या निर्णयाबद्दल असीम सरोदे यांनी पुण्यात पत्रकार परिषद घेत भूमिका मांडली आहे. ते म्हणाले, गेल्या 25 वर्षांपासून अन्यायग्रस्त लोकांना मी मदत करतो, लोकांसाठी मी विविध विषयात काम केलं आहे. न्याय व्यवस्थेची प्रतिष्ठा वाढली पाहिजे, न्याय व्यवस्थेवर विश्वास वाढला पाहिजे म्हणून मी काम केलं आहे, असं सरोदे म्हणाले. पुढे म्हणाले, राज्यपाल यांना मी फालतू म्हणालो म्हणून मी मिसकंडक्ट केलं असं म्हटलं आहे. जर मी चुकलो असेल तर सामान्य नागरिकांची मी माफी मागेल, माझ्यावर बालंट लावलं आहे, ज्यांचे आपल्यावर प्रेम आहे ते कुठं चुकलंय ते सांगतात. न्यायव्यवस्थेवर प्रेम असेल, संविधानावर प्रेम असेल. न्यायव्यवस्थेत काही चुका आणि उणिवा असतील तर त्या सांगितल्या तर त्यात चूक काय आहे? कुठली नवी व्याख्या तयार होतेय, असा सवाल देखील असीम सरोदे यांनी केला. मला ही अपेक्षा नव्हती : असीम सरोदे असीम सरोदे पुढं म्हणाले की, मला असा निर्णय होईल असं कधीच अपेक्षा नव्हती. या निर्णयामुळं मला प्रचंड वाईट वाटलं. बार काऊन्सिल ऑफ महाराष्ट्र अँड गोवाकडून हा निर्णय देण्यात आला. माझ्या विरोधात न वकिली करणाऱ्या राजेश दाभोलकरने तक्रार केली आहे. राजेश सुरेश दाभोलकर भाजपचा कार्यकर्ता आहे. राजेश दाभोलकर यांचे सर्व फोटो भाजप नेत्यांसोबत आहेत. मोदी, आशिष शेलार यांच्यासोबत फोटो आहेत. कोश्यारी हे फालतू माणूस आहेत पण.. मी गैरवर्तणूक केली आहे असा शब्द वापरला आहे, असा शब्द वापरला आहे. राजेश दाभोलकर यानं सर्वांना 38 मिनिटांच्या भाषणाचा पेन ड्राईव्ह दिला होता. उद्धव ठाकरे यांनी जनता न्यायालय हा कार्यक्रम घेतला होता. तेव्हा आमदार अपात्र या विषयावर बोललो होतो. तेव्हा महाराष्ट्राचे राज्यपाल जे होते भगतसिंह कोश्यारी हे फालतू माणूस आहेत पण महत्त्वाच्या पदावर बसलेला असल्यानं आपल्याला तसं बोलता येत नाही, असं म्हटल्याचं मान्य करतो, असं असीम सरोदे म्हणाले. मी काळा कोट घालून मुलाखती देऊ शकतो मी काळा कोट घालून मुलाखती देऊ शकतो. ॲड. असीम सरोदे म्हणून मी तुमच्याशी बोलू शकतो. फक्त बॅण्ड लावून मी युक्तिवाद करू शकत नाही. 12 ऑगस्ट 2025 रोजी ऑर्डर काढली. ऑर्डर मला आज मिळाली तेव्हा निर्णय झाला तर मग आज का दिली? या निर्णयाच्या विरोधात मी बार कौन्सिल इंडियामध्ये अपील करणार आहे. या निर्णयावर स्टे मागणार आहे, असं ते म्हणाले.
