Satara: मायणीतील छत्रपती शिवरायांच्या स्मारकाला प्रशासकीय मान्यता
Satara ग्रामविकास मंत्री जयकुमार गोरे, आमदार धैर्यशील कदम, माजी आमदार डॉ. दिलीप येळगावकर, वर्धन कारखान्याचे कार्यकारी संचालक विक्रमबाबा कदम यांच्या मार्गदर्शनाखाली आणि जिल्हा परिषद सदस्य सूरज पाटील, पंचायत समिती सदस्य व शिक्षण विभागाच्या सहकार्याने हे काम मार्गी लावण्यात आले.

Satara: मायणी, ता. खटाव येथील जिल्हा परिषद शाळेतील छत्रपती शिवाजी महाराजांच्या स्मारकाची दुरुस्ती व सुशोभिकरणाचे काम सुरू करावे, या मागणीसाठी ग्रामस्थांनी आंदोलनाचे हत्यार उपसले होते. त्यावेळी शिक्षण व अर्थ समितीच्या सभापती सौ. तेजस्विनी कदम यांनी या कामाला मंजुरी देण्याचे आश्वासन दिले होते. या कामाच्या प्रशासकीय मान्यतेचे पत्र सौ. कदम यांनी गुरुवारी ग्रामस्थांकडे सुपुर्द केले.
याप्रसंगी आ. धैर्यशील कदम, डॉ. दिलीप येळगावकर, जिल्हा परिषद सदस्य सूरज पाटील, धनंजय चव्हाण, विराज शिंदे, उपोषणकर्ते डॉ. विकास देशमुख, सरपंच प्रतिनिधी रणजित माने, ग्रामपंचायत सदस्य प्रतिनिधी हेमंत जाधव, मराठा समन्वयक विलासआण्णा सोमदे, परशुराम कोकाटे उपस्थित होते.
मायणीतील जिल्हा परिषद प्राथमिक शाळेतील छत्रपती शिवाजी महाराजांच्या स्मारकाच्या दुरुस्ती व सुशोभिकरणाच्या मागणीसाठी ग्रामस्थांनी काही दिवसांपूर्वी उपोषण केले होते. त्यावेळी ग्रामस्थांचे उपोषण सोडविताना सौ. तेजस्विनी कदम यांनी या कामाला मंजुरी मिळवून देण्याचे आश्वासन दिले होते. यासाठी पाठपुरावा करुन, सौ. कदम यांनी या कामाच्या प्रशासकीय मान्यतेचे पत्र गुरुवारी ग्रामस्थांकडे सुपुर्द केले.
ग्रामविकास मंत्री जयकुमार गोरे, आमदार धैर्यशील कदम, माजी आमदार डॉ. दिलीप येळगावकर, वर्धन कारखान्याचे कार्यकारी संचालक विक्रमबाबा कदम यांच्या मार्गदर्शनाखाली आणि जिल्हा परिषद सदस्य सूरज पाटील, पंचायत समिती सदस्य व शिक्षण विभागाच्या सहकार्याने हे काम मार्गी लावण्यात आले.
शिक्षण समिती सभापतिपदाचा कार्यभार स्वीकारल्यानंतर छत्रपती शिवाजी महाराजांच्या स्मारकाची दुरुस्ती व सुशोभिकरण या पहिल्याच कामाची प्रशासकीय मान्यता देता आली, हे मी माझे परमभाग्य समजते. ग्रामस्थांना दिलेला शब्द पाळला असून, भविष्यातही कामाचा आलेख चढता रहावा यासाठी प्रयत्न करणार आहे.
सौ. तेजस्विनी कदम, शिक्षण व अर्थ समिती सभापती





