Aditi Rao Hydari: मुंबईत पार पडलेल्या एका भव्य फॅशन वीकमध्ये अभिनेत्री अदिती राव हैदरी हिने आपल्या स्टाइल आणि आत्मविश्वासाने सगळ्यांचं लक्ष वेधून घेतलं. या कार्यक्रमाच्या शेवटच्या दिवशी अदितीने रॅम्पवर चालताना असा काही जादू निर्माण केला की उपस्थित प्रेक्षक मंत्रमुग्ध झाले. मात्र, या सगळ्यात जास्त चर्चेत राहिला तो तिचा आणि तिचा पती अभिनेता सिद्धार्थ यांचा खास क्षण.

 

View this post on Instagram

 

A post shared by Filmfare (@filmfare)

अदितीने या फॅशन शोसाठी मिडनाइट ब्लू रंगाचा अतिशय आकर्षक लेहेंगा परिधान केला होता. तिच्या लेहेंग्यावर बारीक डिझाइन आणि हलकासा फ्लो असलेला स्कर्ट तिच्या लुकला वेगळेपण देत होता. यासोबत तिने डीप नेक असलेला ब्रालेट-स्टाइल ब्लाऊज घातला होता, ज्यामुळे तिचा लुक पारंपरिक असूनही मॉडर्न दिसत होता. विशेष म्हणजे, या पारंपरिक पोशाखावर तिने एक लांब ट्रेंच कोट घालून फॅशनला एक नवीन टच दिला.

Aditi Rao Hydari

तिच्या या लुकला अधिक उठाव देण्यासाठी अदितीने सिल्वर चोकर आणि झुमके घातले होते. तिचा मेकअपही खूपच आकर्षक होता. गुलाबी गाल, स्मोकी आयज आणि न्यूड लिप्स यामुळे तिचं सौंदर्य आणखी खुललं. केसांमध्ये घातलेल्या फुलांनी तिच्या लुकमध्ये एक रोमँटिक फील निर्माण केला.

रॅम्पवर अदिती जशी आत्मविश्वासाने चालत होती, तितकाच तिच्यावर अभिमान व्यक्त करत पहिल्या रांगेत बसलेला सिद्धार्थही दिसत होता. तो सतत तिला चीयर करत होता. मात्र, सगळ्यांचं लक्ष वेधून घेतलं ते रॅम्प वॉक संपल्यानंतरच्या एका खास क्षणाने.

 

View this post on Instagram

 

A post shared by Lakmē Fashion Week (@lakmefashionwk)

रॅम्पवरून खाली आल्यानंतर सिद्धार्थने अदितीला प्रेमाने मिठी मारली. हा क्षण खूपच नैसर्गिक आणि मनाला भिडणारा होता. मोठ्या फॅशन इव्हेंटच्या गोंगाटातही या दोघांचं प्रेम अगदी साध्या आणि प्रामाणिक पद्धतीने दिसून आलं. या गोड क्षणाचा व्हिडिओ सोशल मीडियावर मोठ्या प्रमाणात व्हायरल झाला आहे.

फॅन्सना हा व्हिडिओ खूप आवडला असून अनेकांनी या कपलचं कौतुक केलं आहे. काहींनी “खरं प्रेम असंच असतं” अशा प्रतिक्रिया दिल्या आहेत. अदिती आणि सिद्धार्थ यांची केमिस्ट्री पुन्हा एकदा लोकांच्या मनात घर करून गेली आहे.

एकूणच, या फॅशन शोमध्ये अदितीने आपल्या स्टाइलने आणि सिद्धार्थने आपल्या प्रेमळ वागण्याने सगळ्यांची मनं जिंकली.