Tejaswini Lonari And Samadhan Sarvankar | गेल्या काही महिन्यांमध्ये मराठीसह हिंदी कलाविश्वातील अनेक कलाकार लग्नबंधनात अडकले. अभिनेत्री शिवानी नाईक-अमित रेखी, प्राजक्ता गायकवाड-शंभूराज खुटवड यांचा साखरपुडा संपन्न झाल्यानंतर आता ही जोडी लवकरच लग्न करणार आहे. यात आता आणखी एका अभिनेत्रीचा समावेश झाला आहे. मराठी कलाविश्वातील लोकप्रिय नायिका तेजस्विनी लोणारीचा नुकताच साखरपुडा संपन्न झाला आहे. नुकतच सोशल मीडियावर अभिनेत्रीच्या साखरपुड्याचे फोटो समोर आले आहेत. विशेष म्हणजे तेजस्विनी राजकीय कुटुंबाची सून होणार आहे. शिवसेना युवानेते समाधान सरवणकर यांच्यासोबत तिने साखरपुडा केला आहे. शिवसेना शिंदे गटाचे नेते सदा सरवणकर यांचे ते सुपुत्र आहेत. या प्रसंगी अनेक मान्यवर राजकीय नेते आणि मराठी चित्रपटसृष्टीतील दिग्गज कलाकार उपस्थित होते. तेजस्विनीचा पारंपरिक लूक साखरपुड्याला तेजस्विनीने पारंपरिक लूक केला होता. लाल रंगाची डिझायनर साडी, हातात हिरव्या बांगड्यांचा चुडा या लूकमध्ये तेजस्विनी अतिशय सुंदर दिसत होती. सध्या सोशल मीडियावर अभिनेत्रीचे चाहते तिच्यावर शुभेच्छांचा वर्षाव करत आहेत. Tejaswini Lonari And Samadhan Sarvankar | तेजस्विनीने आजवर अनेक चित्रपटांमध्येही काम केलेलं आहे. याशिवाय ‘बिग बॉस मराठी’ या शोमध्येही ती सहभागी झाली होती. तिने ‘छापा काटा’, ‘वॉण्टेड बायको नंबर वन’, ‘चित्तोड की राणी पद्मिनी का जोहूर’, ‘गुलदस्ता’, ‘दोघांत तिसरा आता सगळं विसरा’, ‘अफलातून’, ‘कलावती’ यांसारख्या अनेक मराठी सिनेमांमध्ये काम केलं आहे. अलिकडेच ती ‘तुझेच मी गीत गात आहे’ या मालिकेमध्ये दिसली होती. Tejaswini Lonari And Samadhan Sarvankar | हेही वाचा: Pune : गणेशखिंड रस्त्यावर ‘या’ वेळेत वाहतूक कोंडीची शक्यता; पर्यायी मार्गांचा वापर करण्याचे आवाहन
