Actress Nimrat Kaur : गेल्या काही दिवसांपासून द फॅमिली मॅन सीझन ३ ची जोरदार चर्चा होती. अखेर या वेबसिरीजचा तिसरा सीझन प्रेक्षकांच्या भेटीला आला आहे. या नव्या सीझनमध्ये अभिनेत्री निमरत कौर प्रमुख भूमिकेत असून, तिने एका मुलाखीत आपल्या भूमिकेबद्दल अनेक गोष्टी उघड केल्या आहेत. तिच्या मते, ‘द फॅमिली मॅन‘च्या नवीन सीझनमध्ये मीराची भूमिका साकारणे ही एक आव्हानात्मक संधी होती. अभिनेत्री निमरत कौरने ‘द लंचबॉक्स‘, ‘एअरलिफ्ट’, ‘दसवी’ यांसारख्या चित्रपटांमध्ये उत्कृष्ट अभिनय केला आहे. आता ती द फॅमिली मॅन 3 मध्ये अभिनेता मनोज बाजपेयीसोबत स्क्रिन शेअर करताना दिसत आहे. तिच्या भूमिकेचे कौतुक प्रेक्षकांनी केले आहे. या सीरीजमध्ये जयदीप अहलावत खलनायकाची भूमिका साकारत आहे. द फॅमिली मॅन ३ चा भाग असल्याची घोषणा करताना तिला तिच्या कोणत्याही प्रोजेक्टबद्दल इतका मोठ्या प्रमाणावर प्रतिसाद कधीच मिळला नव्हता तो आता मिळताना दिसत असल्याचे अभिनेत्रीने सांगितले. सुरुवातीला मी हळूवारपणे उत्तर द्यायची कारण मी सामान्यतः शांत व्यक्ती आहे. नंतर, मला जाणवले की मला सर्वांकडून चांगला प्रतिसाद मिळत आहे, अशी प्रतिक्रिया अभिनेत्रीने दिली. कोणी मला विचारायचे की मी पुढे काय करणार आहे, तेव्हा मी म्हणायचो की मी ‘द फॅमिली मॅन ३’ करत आहे, अशी आठवणही तिने शोमध्ये कास्ट झाल्यानंतरची सांगितली. या सिरीजमध्ये मनोज बाजपेयीसोबतच शारीब हाश्मी, प्रियामणी, अश्लेशा ठाकूर, वेदांत सिन्हा, श्रेया धन्वंतरी आणि गुल पनाग हे कलाकारही महत्वाच्या भूमिकेत आहेत. हेही वाचा : Sonam Kapoor: दुसऱ्या गर्भधारणेची घोषणा केल्यानंतर सोनम कपूरचा ग्लॅमरस लूक; स्टायलिश फोटोमध्ये दिसला बेबी बंप
