Accident News : कर्नाटकातील उत्तर कन्नड जिल्ह्यात मध्यरात्री एक अत्यंत भीषण आणि हृदयद्रावक रस्ते अपघाताची (Accident News) घटना घडली आहे. एक भरधाव कार आणि ट्रक यांच्यात झालेल्या समोरासमोर धडकेत तब्बल ७ जणांचा जागीच दुर्दैवी मृत्यू झाला, तर २ जण गंभीर जखमी झाले आहेत. हा अपघात इतका भीषण होता की, कारचा पूर्णपणे चक्काचूर झाला.

तीर्थयात्रेला जाताना काळाचा घाला

मिळालेल्या माहितीनुसार, मृत पावलेले सर्वजण धारवाड येथील रहिवासी होते. ते सर्वजण कारने (Accident News) धर्मस्थळ आणि चिकमंगळूर या ठिकाणी तीर्थयात्रेसाठी निघाले होते. कारमध्ये चालकासह एकूण ९ जण प्रवास करत होते. मात्र, वाटेतच त्यांच्यावर काळाने झडप घातली.

वेगवान कार विरुद्ध दिशेने आली अन्…

हा अपघात येल्लापूर पोलिस ठाण्याच्या हद्दीतील राष्ट्रीय महामार्ग-५२ वरील अरबैल घाट परिसरात मध्यरात्री १:३० वाजताच्या सुमारास घडला. कार चालक अतिशय वेगाने आणि बेदरकारपणे गाडी चालवत होता. घाट परिसरात नियंत्रण सुटल्याने कार थेट रस्त्याच्या दुसऱ्या मार्गिकेवर (विरुद्ध दिशेला) गेली. याच दरम्यान अंकोलाहून येणाऱ्या एका ट्रकला कारने समोरासमोर जोरदार धडक दिली.

ही धडक इतकी भयंकर होती की कारचा अक्षरशः चक्काचूर झाला. कारमध्ये अडकलेले मृतदेह बाहेर काढताना पोलिसांना आणि स्थानिक नागरिकांना प्रचंड कष्ट घ्यावे लागले. या अपघातानंतर राष्ट्रीय महामार्गावर मोठ्या प्रमाणावर वाहतूक कोंडी झाली होती.

मृतांची नावे जाहीर

या अपघातात मृत्यू झालेल्या ७ जणांपैकी ६ जणांची नावे समोर आली असून ते सर्व तरुण व मध्यमवयीन होते:

संजय अंगडी (वय ३३ वर्षे – कार चालक)
बसवराज (वय ४८ वर्षे)
अभिषेक ईश्वर (वय २८ वर्षे)
अक्षय (वय २६ वर्षे)
अभिषेक (वय २६ वर्षे)
मंजुनाथ चुलकी (वय ३२ वर्षे)

सर्व मृतदेह शवविच्छेदनासाठी जवळच्या शासकीय रुग्णालयात पाठवण्यात आले आहेत.

दोन जखमींची प्रकृती चिंताजनक

या अपघातात दोन जण गंभीर जखमी झाले असून त्यांची प्रकृती अत्यंत चिंताजनक आहे. अपघातानंतर त्यांना तातडीने उपचारासाठी हुबळी येथील ‘केआयएमएस’ रुग्णालयात दाखल करण्यात आले असून, त्यांच्यावर अतिदक्षता विभागात उपचार सुरू आहेत.

या अपघातातून बचावलेल्या शिवराज नावाच्या जखमी तरुणाने दिलेल्या (Accident News) तक्रारीच्या आधारे येल्लापूर पोलिसांनी गुन्हा दाखल केला असून, पोलीस या प्रकरणाचा पुढील तपास करत आहेत.