Mitchell Starc On IND vs AUS Test Series :- आगामी बॉर्डर-गावस्कर चषक कसोटी मालिकेसाठी ऑस्ट्रेलियाचा अष्टपैलू खेळाडू कॅमेरॉन ग्रीन उपलब्ध नसणार आहे. पाठीच्या दुखापतीमुळे त्याच्यवर शस्त्रक्रिया करण्यात येणार असून तो ऑस्ट्रेलिया संघासोबत किमान सहा महिने नसणार आहे. या दरम्यान होणाऱ्या बॉर्डर-गावस्कर करंडक व चॅम्पियन्स करंडक या दोन्ही महत्वाच्या स्पर्धामध्ये ग्रीन ऑस्ट्रेलिया संघात दिसणार नाही. दुखापतग्रस्त ग्रीनमुळे ऑस्ट्रेलियाच्या गोलंदाजीची धार कमी होणार असून याचा अतिरिक्त ताण फिरकीपटू नेथन लॉयनवर पडणार आहे. हीच अनुउपलब्धता ऑस्ट्रेलिया संघाची लय बिघडण्याची शक्यता असल्याचे मत ऑस्ट्रेलियाचा वेगवान गोलंदाज मिचेल स्टार्क याने व्यक्त केले. यावेळी त्याने ग्रीनच्या ऐवजी मिशेल मार्श ही देखील पर्याय असल्याचे सांगितले. ज्यावेळी ग्रीनसारखा चांगला अष्टपैलू खेळाडू चांगल्या स्पर्धेत बाहेर असतो, तेव्हा त्याचा संघावर विपरीत परिणाम होऊ शकतो. अष्टपैलू खेळाडू हा तुम्हाला फलंदाजी आणि गोलंदाजी अशा दोन्ही आघाड्यांवर मदतीसाठी असतो. त्याच्या रूपाने तुम्हाला एक अतिरिक्त गोलंदाज उपलब्ध असल्याचे बोलताना स्टार्कने सांगितले. ENG vs PAK 2nd Test : ‘साजिद-नोमान’च्या फिरकीपुढे इंग्लंडचं लोटांगण, दुसऱ्या कसोटीत पाकचा दणदणीत विजय… आम्हाला परिस्थिती हाताळण्याचा अनुभव… अष्टपैलू खेळाडू संघात नसणे, हे काही आमच्यासाठी नवीन नाही. यापूर्वी आम्ही अशा अनेक मालिका खेळल्या आहेत, ज्यामध्ये आमच्या संघात अष्टपैलू खेळाडू उपलब्ध नव्हता. मात्र, आम्हाला आता त्यांची सवय झाली आहे. त्यामुळे कदाचित लियॉनला अतिरिक्त गोलंदाजी करावी लागणार आहे, असे स्टार्कने बोलताना सांगितले. उन्हाळ्यामध्ये अनेकदा वेगवान गोलंदाज दमतात. अशा वेळी अष्टपैलू गोलंदाजाकडे धुरा सोपविली जाते. IND vs NZ 1st Test : ऋषभ पंतच्या दुखापतीबाबत मोठी अपडेट, फलंदाजीसाठी मैदानात उतरणार की नाही, झालं स्पष्ट….पहा Video दोन कसोटीतील अंतर महत्वाचे… भारत आणि ऑस्ट्रेलिया दरम्यान पाच कसोटीची मालिका होणार आहे. या मालिकेमध्ये गोलंदाजांचा कस लागणार आहे. या कसोटी सामन्यांमध्ये काही दिवसांचे अंतर असणार आहे, जे गोलंदाजांना विश्रांती मिळण्यासाठी फायदेशीर असल्याचे स्टार्कने बोलताना सांगितले. कसोटीमध्ये दिवसभरात सरासरी 90षटकांचा खेळ होतो. दिवसभराच्या खेळाने वेगवान गोलंदाज दमतात. त्यांना विश्रांतीची आवश्यकता असते, अशा वेळी दोन कसोटी सामान्यांतील अंतर हे गोलंदाजाना मदतगार असल्याचे स्टार्कने सांगितले.
