Abhishek Sharma Record : इंडियन प्रीमियर लीग २०२६ स्पर्धा आता दुसऱ्या टप्प्यात आली असताना सनरायझर्स हैदराबादचा स्टार फलंदाज अभिषेक शर्मा (Abhishek Sharma Record) याला अप्रतिम सूर गवसला आहे. दिल्ली कॅपिटल्स विरुद्धच्या सामन्यात नाणेफेक जिंकून दिल्लीने प्रथम गोलंदाजी करण्याचा निर्णय घेतला. हैदराबादला प्रथम फलंदाजी करावी लागली आणि या निर्णयाचा पुरेपूर फायदा अभिषेक शर्माने (Abhishek Sharma Record) उपभोगला. त्याने दिल्लीच्या गोलंदाजांना सळो की पळो करून सोडले आणि एकट्याने हैदराबादला भक्कम सुरुवात दिली. सामन्याच्या सुरुवातीला अभिषेक थोडा संयमी दिसला. पहिल्या षटकात त्याने फक्त दोन चेंडू खेळले आणि तीन धावा काढल्या. दुसऱ्या षटकात तीन चेंडूत पाच धावा, तर तिसऱ्या षटकात दोन चेंडूत चार धावा केल्या. चौथ्या षटकापासून मात्र त्याने गिअर पूर्ण बदलला आणि तोडफोड सुरू केली. या षटकात दोन चौकारांसह नऊ धावा काढल्या. पाचव्या षटकात तीन चेंडूत १३ धावा वसूल करत त्याची धावांची गाडी वेगाने पुढे सरकली. धोनीच्या सेनेवर अभिषेकचं आक्रमण! हैदराबादच्या पठ्ठ्याने १५ चेंडूत इतिहास रचला अभिषेक शर्माने (Abhishek Sharma Record) केवळ २५ चेंडूत अर्धशतक पूर्ण केले. त्यानंतर आणखी २२ चेंडूत ५० धावा जोडल्या आणि एकूण ४७ चेंडूत शतक झळकावले. हे या हंगामातील त्याचे पहिले शतक आहे. या खेळीत त्याने अनेक विक्रम आपल्या नावावर केले. टी२० क्रिकेटमधील ९ वे शतक अभिषेक शर्माचे टी२० क्रिकेटमधील हे नववे शतक ठरले. यासह तो क्विंटन डीकॉक, विराट कोहली, रिली रोसो आणि साहिबजादा फरहान यांच्यासोबत संयुक्तपणे नऊ शतकांच्या यादीत सामील झाला आहे. टी२० क्रिकेटमध्ये सर्वाधिक शतके ख्रिस गेल (२२), बाबर आझम (१२) आणि डेव्हिड वॉर्नर (१०) यांच्या नावावर आहेत. ९ वे शतक सर्वात वेगाने ठोकणारा तिसरा फलंदाज अभिषेकने १८४ डावांमध्ये हे नववे शतक ठोकले. यामुळे तो टी२० क्रिकेटमध्ये नववे शतक सर्वात वेगाने ठोकणारा तिसरा फलंदाज ठरला. ख्रिस गेलने नऊ शतकांसाठी १२४ डाव घेतले होते, तर साहिबजादा फरहानने १६० डाव लागले होते. टी२० क्रिकेटमध्ये ३५० षटकार पूर्ण शतकी खेळीत अभिषेकने षटकारांचा पाऊस पाडला. त्याने टी२० क्रिकेटमध्ये एकूण ३५० षटकार पूर्ण केले. एका डावात १० हून अधिक षटकार मारण्याचा विक्रम त्याने पाच वेळा केला आहे. या यादीत ख्रिस गेल १८ वेळा आघाडीवर आहे. ॲरॉन फिंच आणि ख्रिस गेलला टाकले मागे टी२० क्रिकेटमध्ये १३० हून अधिक धावा करण्याची ही अभिषेक शर्माची चौथी वेळ आहे. यासह त्याने ॲरॉन फिंच आणि ख्रिस गेल यांचा विक्रम मोडीत काढला. या दोघांनी अशी कामगिरी फक्त तीन वेळा केली होती. आयपीएल स्पर्धेत सर्वोच्च वैयक्तिक धावा करण्याची ही अभिषेकची (Abhishek Sharma Record) दुसरी वेळ आहे. यापूर्वी २०२५ च्या हंगामात त्याने १४१ धावा केल्या होत्या. या सामन्यात त्याने नाबाद १३५ धावा केल्या. आयपीएलमधील सर्वोच्च वैयक्तिक स्कोअरच्या यादीत ख्रिस गेल नाबाद १७५ धावांसह पहिल्या स्थानावर, ब्रँडन मॅकुलम नाबाद १५८ धावांसह दुसऱ्या स्थानावर आणि क्विंटन डीकॉकने २०२२ मध्ये नाबाद १४० धावा केल्या होत्या.
