Abhijit Deepke: कॉक्रोच जनता पार्टीचे संस्थापक अध्यक्ष अभिजीत दीपके यांनी नीट पेपरफुटीविरोधात आंदोलन पुकारले आहे. याच दरम्यान दिपके यांना ज्येष्ठ समाजसेवक आणि आंदोलक अण्णा हजारे यांना या चळवळीचा भाग करुन घेणार आहात का? असा सवाल करण्यात आला. परंतु अभिजीत दीपके यांनी अण्णा हजारे यांच्याबाबत वादग्रस्त विधान केले.

नेमकं काय म्हणाले अभिजीत दीपके?  
छत्रपती संभाजीनगर या ठिकाणी माध्यमांशी संवाद साधताना अभिजीत दीपके म्हणाले, “मी अण्णा हजारे किंवा इतर कोणाचीही भेट घेणार नाही. ज्यांचे वय ६० ते ७० वर्षांपेक्षा जास्त झाले आहे, अशा लोकांनी आता स्वतःहून सर्व सामाजिक आणि राजकीय चळवळींमधून निवृत्त झाले पाहिजे.

 

हा प्रश्न देशातील तरुण आणि विद्यार्थ्यांच्या भविष्याचा असल्याने आम्ही काय करायचं आणि आमचं भविष्य कसं घडवायचं, हे सर्वस्वी आम्हाला म्हणजेच तरुणांना ठरवू द्या.

ज्या म्हाताऱ्या लोकांचं सर्व काही झालं आहे त्यांनी आता निवृत्त होऊन आश्रमात विश्रांती घ्यावी. त्यांनी उगाचच तरुणांच्या भवितव्याचे निर्णय घेऊ नये,” अशा शब्दांत अण्णा हजारेंबाबत अभिजीत दीपकेंनी भूमिका मांडली आहे. अभिजीत दीपकेंच्या या विधानामुळे नव्या वादाला तोंड फुटण्याची चिन्हं आहे.

दरम्यान, नीट आणि इतर परीक्षांच्या गोंधळाबद्दल केंद्रीय शिक्षण मंत्री धर्मेंद्र प्रधान यांनी राजीनामा द्यावा, अशी सीजेपीची मागणी आहे. त्यासाठी सीजेपीचा संस्थापक अभिजीत दिपके आणि इतर सदस्यांनी दिल्लीतील जंतर-मंतर परिसरात मागील काही दिवसांपासून ठिय्या दिला आहे. आंदोलकांना साथ देण्यासाठी वांगचुक यांनी त्या आंदोलनस्थळी रविवारपासून उपोषण सुरू केले आहे.

हेही वाचा: 

Pune Rain Update: अवघ्या ६ दिवसांत ओलांडली जुलैची सरासरी; २४ तासांत १०८ मिमी विक्रमी पाऊस