मागील महायुती सरकारमध्ये मुख्यमंत्री एकनाथ शिंदे हे होते. या काळात नागरिकांना त्यांच्या घराजवळ मोफत आणि प्राथमिक आरोग्यसेवा उपलब्ध व्हावी, या हेतून वंदनीय बाळासाहेब ठाकरे आपला दवाखाना हा उपक्रम सुरू करण्यात आला. शहरातील ५० ठिकाणी दवाखाने सुरु करण्याचा निर्णय घेण्यात आला, पण त्यापैकी प्रत्यक्षात ४० दवाखाने सुरू झाले. मात्र, सध्याच्या घडीला बहुतेक दवाखाने बंद करण्यात आले असून जवळपास प्रकल्प ठप्प करण्यात आल्याचा आरोप भाजप आमदार संजय केळकर यांनी केला आहे.

अनेक दवाखान्यांच्या जागा आता व्यावसायिक वापरासाठी दिल्या गेल्या आहेत. काही ठिकाणी पार्लर, किराणा दुकाने तर एका ठिकाणी तर साड्यांचे दुकानसुद्धा सुरू झाले आहे, असे देखील केळकर यांनी सांगितले. यामुळे आता या प्रकल्पा अभावी नागरिकांचे प्रश्न वाढले असून ठाण्यातील आरोग्यसेवरील प्रशासनावर प्रश्न उपस्थित केले जात आहेत. महापालिका प्रशासनाकडून याबाबत अधिकृत प्रतिक्रिया अद्याप समोर आलेली नाही.

आमदार संजय केळकर यांचा थेट इशारा 

पालिकेने कंपनीकडून सर्व दंड वसूल करून कर्मचाऱ्यांचे रखडलेले पगार द्यावेत आणि संबंधित कंपनीला काळ्या यादीत टाकावे अशी मागणी भाजप आमदार संजय केळकर यांनी केली असून त्यांनी या प्रश्नावर आक्रमक पवित्रा घेतला आहे. प्रशासनाने कारवाई न केल्यास थेट महापालिका मुख्यालयावर मोर्चा काढणार असल्याचा इशारा देखील संजय केळकर यांनी दिला आहे.