Amir Khan | अभिनेता आमिर खान त्याच्या वैयक्तिक आयुष्यामुळे नेहमीच चर्चेत राहिला आहे. दोन घटस्फोटानंतर त्याच्या आयुष्यात आता तिसऱ्या मुलीची एन्ट्री झाल्याची चर्चा सध्या सुरू आहे. 59 व्या वर्षी आमिर पुन्हा एकदा प्रेमात पडल्याचे म्हंटले जात आहे. मागील वर्षी आमिर फातिमा शेखला डेट करत असल्याच्या चर्चा रंगल्या होत्या. मात्र त्या अफवा असल्याचे समोर आले. आता आमिरच्या गर्लफ्रेंडचं नाव समोर आलं आहे. आमिरने तिची आपल्या कुटुंबाशीही भेट घालून दिल्याचेही बोललं जात आहे. पिंकव्हिलाच्या रिपोर्टनुसार, ही मुलगी बंगलोरची असून तिचं नाव गौरी असल्याचं रिपोर्टमध्ये म्हटलं आहे. गौरी आमिरच्या कुटुंबालाही भेटली आहे. अद्याप आमिरने याबाबत कोणतीही माहिती दिलेली नाही. त्यामुळे यात कितपत तथ्य हे स्पष्ट झालेले नाही. रीना दत्ता आणि किरण राव यांच्यापासून आमिर विभक्त आमिर खानने 1986 मध्ये रीना दत्ता यांच्याशी लग्न केले आणि त्या जोडप्यास दोन मुले आहेत. एक मुलगा, जुनैद खान आणि एक मुलगी इरा खान. मात्र डिसेंबर 2002 मध्ये दोघांनी घटस्फोटासाठी अर्ज केला आणि विभक्त झाले. घटस्फोटाच्या तीन वर्षांनंतर आमिरने 2005 मध्ये चित्रपट निर्माते किरण रावशी लग्न केले आणि 2011 मध्ये त्यांनी मुलगा आझाद राव खान यांचे स्वागत केले. परंतु 16 वर्षांनी 2021 मध्ये आमिर आणि किरण यांनी विभक्त होण्याची घोषणा केली. मात्र विभक्त होऊनही आमिर खानचे रीना दत्ता आणि किरण राव यांच्यासोबत चांगले संबंध आहे. अनेकदा हे सर्व कार्यक्रमांमध्ये एकत्र पाहायला मिळतात. Amir Khan | वर्कफ्रंटबद्दल बोलायचे झाले तर, आमिर खानला ‘लाल सिंह चड्ढा’ मध्ये दिसला होता. मात्र हा चित्रपट बॉक्स ऑफिसवर चांगली कामगिरी करू शकला नाही. त्यानंतर त्याने अभिनयातून ब्रेक घेण्याचा निर्णय घेतला. आता यावर्षी, तो ‘सितारे जमीन पर’मधून पुन्हा प्रेक्षकांच्या भेटीस येणार आहे. Amir Khan | हेही वाचा: अभिनेता सोनू सूद विरोधात अटक वॉरंट जारी; नेमकं काय आहे प्रकरण?
