Sanjay Mone : यंदा ‘कोण होणार करोडपती’ या शोचं सूत्रसंचालन अभिनेत्री माधुरी दीक्षित करत आहे. यातील तिच्या एन्ट्रीने अनेकांची उत्सुकता वाढली होती.

मात्र आता यावर संमिश्र प्रतिक्रिया येत आहे. यापूर्वी या शोचे काही सीझन्स अभिनेते सचिन खेडेकर शोचं सूत्रसंचालन यांनी केले होते. यावरून आता अभिनेते संजय मोने यांनी फेसबुकवर एक पोस्ट शेअर केली आहे.

संजय मोनेंनी फेसबुकवर पोस्ट करत लिहिले की, “का कुणास ठाऊक पण आज दीक्षित बाईंचा कार्यक्रम बघितला आणि एक जुनी मराठी म्हण आठवली “कुठे इंद्राचा ऐरावत आणि कुठे शाम भट्टाची तट्टाणी” त्यापेक्षा सचिन खेडेकर तोच कार्यक्रम अप्रतिम सादर करायचे.”

संजय मोनेंच्या या पोस्टवर अनेकांनी कमेंट करत सहमती दर्शवली आहे. ‘माधुरीला पंच मारता येत नाहीत’,’हिंदीत नाव केलेली, कोणी मराठी अभिनेत्री घ्यायचीच होती,तर उर्मिला मातोंडकर जास्त योग्य होती’,’मी स्वतः माधुरीचा चाहता आहे पण करोडपतीमध्ये दीक्षित बाईंनी माती केली हे नक्की’, ‘रेणुका शहाणे ह्यांची निवडही योग्य ठरली असती’ अशा कमेंट्स करत काही नेटकऱ्यांनी संजय मोने यांच्या पोस्टला सहमती दर्शवली आहे.

हेही वाचा: 

Sonam Wangchuk: वांगचुक यांच्या शाळेला केंद्राची नोटीस ; CJP संतप्त, अभिजित दिपके काय म्हणाले?